Сербиядин шегьерар
From Wikipedia, the free encyclopedia
Сербиядин шегьерар — официал шегьеррин статус гвай Сербиядин инсанар яшамиш жезвай чкаяр я. Сербия Республикадин территориядин тешкилатдикай тир къанундив кьурвал, шегьеррин статус тайин тир райондин ва адак акатзавай маса инсанар яшамиш жезвай чкайрин экономикадин, административ, географиядинни медениятдин юкьваз гузва. Уьлкведа 27 шегьер ава, маса чӀехи инсанар яшамиш жезвай чкаяр шегьердин тегьерда кутунвай поселкаяр хьиз гьисабзава (серб. градско насеље)[1][2].
И къанун тестикьардалди шегьердин статус тайинардайла агьалияр сиягьдиз къачунин нетижайрал бинеламиш жезвай административни праводин критерий ишлемишзавай тир[3]. Демограф Милош Мацуради кутур критерий инсанар яшамиш жезвай чкаяр пуд жуьредиз чара ийидай тир: хуьруьнбур, акахьайбур ва шегьердин жуьредин. Шегьердин тегьерда кутунвай поселкайра 2000-далай пара кас яшамишна кӀанзвай тир, абурукай 90 % хуьруьн майишатдик квачирбур тир[4].
Нови-Cад ва Приштина Сербиялин автономиядин крайрин — Воеводина, Косово ва Метохия — юкьвар я. Амма Приштинадиз са паюниз кьабулнавай Косово Республикадин гьакиматди регьбервал ийизва, ам адан кьилин шегьер я. Сербияди ам 1999-лагьай йисан июндиз квадарна. Гьа чӀавуз НАТО-ди Югославиядин аксиниз тухвай дяве хьайидалай кьулухъ ам Югославиядин ГалкӀдин Республикадин кьушундинни Къенепатан министрвилин къуватри гадарна, гьакӀни ам сербри, чӀулавсувавийринни къарачийри туна.