Хорватиядин шегьерар
From Wikipedia, the free encyclopedia
Хорватиядин шегьерар
Хорватияда яшамишдай чкадиз шегьеррин статус гузва, ам агъадихъ ганвай шартӀарив кьазватӀа:
- ам жупаниядин юкь ятӀа, тахьайтӀа
- 10 агъзурдилай пара кас аватӀа, тахьайтӀа
- кьетӀен шартӀаралди тайинарзава.
Град - općina-дин (лезгидал - жемят, муниципалитет) чкадин административ эквивалент я. Тафаватвал агъадихъ галайдакай ибарат я - адетдалди садлагьайбурук шегьеррин мягьлеяр (районар) акатзава, гьа чӀавуз, эхиримжибур хуьрерин кӀватӀалрикай ибарат я. Къейд ийин, кьведни, жемятар (муниципалитетар) ва шегьерар, мукьвал-мукьвал садалай пара яшамишдай чкадикай ибарат я, административ территория хьиз къачуртӀа граддик шегьердив гвай агъашегьерарни гъвечӀи хуьрер кутайди я. Кьилдин яшамишдай чкаяр (Населйе, хорв. - Naselje) - виридалайни гъвечӀи, Хорватиядин статистикадин бюроди гьиссаб авур, статистикадин текар я, амма абур административ текар туш - абуруз, чеб акатзавай жемятдин (муниципалитетдин) тахьайтӀа шегьердин советри, регьбервал ийизва.
1991-лагьай йисуз Хорватияда 70 шегьер ва 419 жемят (муниципалитет) авай тир, абур 21 (кьилин шегьер Загреб кваз, адав кьилдин вилаятдин статус гва) вилаятдик (жупания, хорв. - županija) акатзавай. [1]
2001-лагьай йисуз 122 шегьер (Загреб квачиз) ва 423 жемят (муниципалитет) авай тир. И чилин паюн 2001-лагьай йисуз агьалияр сиягьдиз къачудайла кӀвалахарзавай тир. [1]
2006-лагьай йисуз эхиримжи редакция хьанва. Адав кьурвал, Хорватияда 127 шегьерни 429 жемят (муниципалитет) авай тир. И административ паюн эхиримжи (2011 йис) агьалияр сиягьдиз къачунин патал кӀвалахарзавай тир. [2]
2013-лагьай йисуз Поповачадин жемятди (муниципалитет) шегьеррин статус къачунва. Идан нетижада, шегьеррин виридан сиягь 128 кьадардал кьван ва жемятрин (муниципалитет) виридан кьадар 428 кьадардал кьван агакьна. [3]