Boirs
From Wikipedia, the free encyclopedia
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Boirs (Nederlands: Beurs) ies 'n boeredörp in de deilgemeinte Bitsinge (Bassenge) op 't Belsj. 't Ies gelege aan de rivier Jeker die hie Geer weurt geneump. Boirs waor 'n zelfsjtendige gemeinte tot 't in 1977 bie de gemeinte Bitsinge woort gevoog. Boirs ies gelege aan de taalgrens in Belsj. Tot 1957 houw 't 'n eige sjtasie. De deillgemeinte besjteit wiejer nog oet 't gehuch Once.
In Boirs leve ze van de landboew en sjampeljóngteelt. Vreuger woonde hie väöl aan mangelevlechtersj. Boirs liek aan de A13/E313 en haet daodoor direk aansjleting op Luuk en Tóngere.