Oejevaars
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Oejevaars (in aander Limbörgs ouch Sjtorke; Latien Ciconiidae) zien 'n femilie vaan Veugel oet de orde Oejevaarechtege (Ciconiiformes) die in de mieste tropische, subtropische en gemaotegde len veurkoume. Väöl soorte doen aon vogeltrèk. De witte en de (aoventouw) de zwarten oejevaar zien zoe allein zomers in Nederland en 't Bèlsj te zien. 't Zien groete veugel, mèt lang pu en lang halze. Ze höbbe geine syrinx en kinne gei keelgeluid producere; veur ziech kinbaar te make kleppe ze mèt hunne snavel. Ze vlege dèks zweventere door de loch, zoetot ze - wie ouch albatrosse - wieneg energie gebruke.