Latgalīšu volūda
From Wikipedia, the free encyclopedia
Latgalīšu volūda irā baltu volūdu grupai pīdarūša indoeuropīšu saimis volūda. Kasdīnā jū lītoj 150-200 tyukstūšys ļaužu, tok oficiala skaita navā. Latgalīšu volūdu kasdīnā lītoj ap 8-9% Latvejis īdzeivuotuoju.[3] Latgaliskai runoj Latvejis reitūs — vysā Latgolā i Sielejis dīnavydreitūs, taipoš lela latgalīšu kūpeiba Reigā. Pošys leluos uorzemu kūpeibys irā Krīvejā — Krasnojarskys nūvodā Sibirī i Baškirejis republikā. Nazcik ļaužu latgaliskai vēļ runoj Boltkrīvejis i Krīvejis rūbežmalē, etnografiskajuos latgalīšu teritorejuos ap Drysu Boltkrīvejā i Sebežu Krīvejā. Nalela volūdys runuotuoju kūpeiba dzeivoj ASV.
Latgalīšu volūda | ||
---|---|---|
latgalīšu | ||
Volūdu lītoj | Latveja, Krīveja | |
Runuotuoju skaits | 150—200 tyukstūšys[1] | |
Volūdu saime | Indoeuropīšu
| |
Roksts | Latiņu (latgalīšu variants) | |
Oficialais statuss | ||
Oficialuo volūda | - | |
Regulators | Latgalīšu ortografejis zamkomiseja[2] | |
Volūdys kodi | ||
ISO 639-1 | Navā | |
ISO 639-2 | ||
ISO 639-3 | ltg | |
Regioni, kur jei irā dzymtuo volūda | ||
Pīzeime: Itamā lopā var byut IPA fonetiskuos rokstu zeimis unikodā. |
Myuslaiku latgalīšu volūda irā senejūs latgalīšu volūdys puormaņtineica. Nu 1920 da 1934 godam Latgolā latgalīšu volūda beja lītojama pošvoldu īstatēs i školuos. Šudiņ latgalīšu volūda natur nikaida oficiala statusa.