Оливија Родриго
американска пејачка, текстописец и актерка / From Wikipedia, the free encyclopedia
Оливија Изабел Родриго (родена на 20 февруари 2003 година) е американска пејачка, текстописец и глумица. Станала позната кон крајот на 2010-тите со главната улога во Дизниевите телевизиски серии Bizaardvark и Средношколски мјузикл: Мјузикл: Серија. По потпишувањето со Geffen и Interscope Records во 2020 година, Родриго ја издала својата деби-песна „Drivers License“, која соборила многу рекорди и станала една од најпродаваните песни во 2021 година, а на Оливија ѝ ја донела славата. Подоцна ги објавила песните „Deja Vu“ и „Good 4 U“ и го издала својот деби соло студиски албум „Sour“ (2021), кој бил одлично примен од критиката и публиката, и со него Оливија освоила многу признанија, меѓу кои и три Греми награди. Во 2022 година Дизни+ го објавил документарен филм Оливија Родриго: Возење кон тебе дома (Olivia Rodrigo: Driving Home 2 U), во кој хронолошки се прикажува нејзиниот креативен процес за создавањето на албумот Sour.
Оливија Родриго | |
---|---|
Оливија Родриго во 2021 | |
Роден(а) | Оливија Изабел Родриго 20 февруари 2003(2003-02-20) (21 г.) Муриета, САД |
Занимање |
|
Активен период | 2015–денес |
Потпис |
Оливија Родриго до 2022 двапати се искачила на прво место на Billboard Hot 100 топ-листата, има еден албум кој бил на врвот на Billboard 200 и пет мултиплатинести сертификати од Здружението на музичките снимтели на Америка (RIAA). Покрај другите признанија, има освоено Американска музичка награда, седум музички награди Билборд и четири МТВ видео музички награди. Тајм ја прогласил за изведувач на годината за 2021 година, а Билборд ја прогласил за жена на годината во 2022 година.