Ферги (пејачка)
From Wikipedia, the free encyclopedia
Стејси Ен „Ферги“ Фергусон (англиски: Stacy Ann Ferguson; родена на 27 март 1975)[1][2] ― американска пејачка и глумица. Прво била дел од групата Wild Orchid, но успех на топ-листите постигнала како дел од хип-хоп групата Black Eyed Peas. Нејзиниот прв соло-албум, The Dutchess (2006), бил комерцијално успешен; три песни од албумот стигнале до прво место на Billboard Hot 100: „London Bridge“, „Glamourous“ и „Big Girls Don't Cry“.[3][4]
Ферги | |
---|---|
Ферги во јуни 2018 | |
Роден(а) | Стејси Ен Фергусон 27 март 1975(1975-03-27) (49 г.) Хасиенда Хајтс, Калифорнија, САД |
Други имиња | Ферги Духамел (до 2019) |
Занимање |
|
Активен период | 1984–денес |
Сопружник | Џош Духамел (в. 2009; раз. 2019) |
Деца | 1 |
Страница fergie.com |
Ферги прво глумела во детската телевизиска серија Kids Incorporated и била член на женската група Wild Orchid. Во 2001 година, ја напуштила групата и следната година се приклучила на Black Eyed Peas. Со нив објавила четири студиски албуми. Нејзиниот втор соло-албум, Double Dutchess, бил објавен во 2017 година.
Ферги, исто така, глумела во неколку филмови, како што се Посејдон (2006), Гриндхаус (2007) и Девет (2009). Таа го лансирала нејзиниот прв мирис, Outspoken, под Avon во мај 2010 година. Нејзината линија на обувки, Fergie Footwear, била лансирана во 2009 година.[5][6][7]