അഗോണിരേഖ
From Wikipedia, the free encyclopedia
വടക്കുനോക്കിയന്ത്രം യഥാർഥ ഉത്തരദിശയെ കാണിക്കുന്ന, ഭൂമിയിലെ ബിന്ദുക്കളെ യോജിപ്പിക്കുന്ന സാങ്കല്പികരേഖയാണ് അഗോണിരേഖ
കാന്തിക ഉത്തരദിശ യഥാർഥ ഉത്തരദിശയിൽ നിന്നും വ്യതിചലിച്ചുകാണുന്നു. ഈ വ്യതിചലനം തികച്ചും സ്ഥാനീയമാണ്. ഇതിന്റെ കോണീയ അളവാണ് കാന്തിക ദിക്പാതം (Magnetic Declination). കാന്തസൂചി യഥാർഥ ഉത്തരദിശയെ കാണിക്കുന്ന ബിന്ദുക്കളിലെ ദിക്പാതം പൂജ്യം ഡിഗ്രി ആയിരിക്കും. അഗോണോസ് എന്ന ഗ്രീക്കു പദത്തിന്റെ അർത്ഥം തന്നെ കോണുകളില്ലാത്തത് എന്നാണ്. 0o ദിക്പാതമുള്ള രേഖയാണ് അഗോണികരേഖ. സമദിക്പാത (Isogonic) രേഖകളോടൊപ്പമാണ് ഭൂപടങ്ങളിൽ ഇവയെ രേഖപ്പെടുത്തുന്നത്.