അനാപ്സിഡ
From Wikipedia, the free encyclopedia
തലയോടിന്റെ ശംഖാസ്ഥി (temporal)[1] ഭാഗത്ത് കുഹര (vacuity)[2]ങ്ങളില്ലാത്ത ഇഴജന്തുക്കളുടെ ഉപവർഗമാണ് അനാപ്സീഡ. ഈ ഉപവർഗത്തിന്റെ രണ്ടു പ്രധാനവിഭാഗങ്ങളാണ് കിലോണിയയും (Chelonia)[3] കൊട്ടിലോസോറിയയും (Cotylosauria).[4] ഇന്നു കാണപ്പെടുന്ന ആമകൾ (കടലാമയും, കരയാമയും) കിലോണിയയിൽ ഉൾപ്പെടുന്നു. കൊട്ടിലോസോറിയ നാമാവശേഷമായ ഒരു വിഭാഗമാണ്. കാർബോണിഫെറസ് കല്പത്തിന്റെ അന്ത്യം മുതൽക്കുള്ള ഏറ്റവും പ്രാഥമികങ്ങളായ ഇഴജന്തുക്കളെല്ലാം കൊട്ടിലോസോറിയയിൽപ്പെടുന്നവയാണ്. ഇവയും ഇവയുടെ വളരെ അടുത്ത പിൻഗാമികളും പാലിയോസോയിക് കല്പത്തിന്റെ അവസാനഘട്ടത്തിലും മീസോസോയിക്കിന്റെ ആദ്യവും (പെർമിയൻ-ട്രയാസിക് കാലങ്ങളിൽ) സമൃദ്ധമായുണ്ടായിരുന്നു. ട്രയാസിക് (triassic) കാലഘട്ടം മുതലുള്ള പാറകളിലാണ് ആമകളുടെ ജിവാശ്മങ്ങൾ (fossils) കണ്ടുതുടങ്ങിയത്. അന്നുമുതൽ ഇന്നുവരെയും അവ ധാരാളമായി കാണപ്പെടുന്നുമുണ്ട്. അനാസ്പ്സിഡ്-ഇഴജന്തുക്കൾ മിക്കവയും ജലസാമീപ്യമുള്ള പ്രദേശങ്ങളിൽമാത്രം ജീവിച്ചിരുന്നവയാണ്. ആമകളിൽ ചിലതു മാത്രമാണ് ഇതിനൊരപവാദമായിരുന്നത്. അവയിൽ കൂടുതലും അർധജലജീവികളോ പൂർണജലജീവികളോ ആണ്.
അനാപ്സിഡ Temporal range: Carboniferous - സമീപസ്ഥം | |
---|---|
അനാപ്സീഡ് തലയോട് | |
ശാസ്ത്രീയ വർഗ്ഗീകരണം | |
Domain: | Eukaryota |
കിങ്ഡം: | Animalia |
Phylum: | കോർഡേറ്റ |
Class: | Reptilia |
Subclass: | അനാപ്സിഡ Williston, 1917 |
Orders | |
†Captorhinida |