അറ്റ്ലസ്
മാപ്പുകളുടെ ശേഖരം / From Wikipedia, the free encyclopedia
ഭൂപടങ്ങളുടെയും (maps) ചാർട്ടുകളുടെയും (charts) സമാഹാരമാണ് അറ്റ്ലസ്. മാനചിത്രാവലി എന്നും ഇത് അറിയപ്പെടുന്നു. ഭൂമിശാസ്ത്രപരമായ ചിത്രങ്ങളാണ് അറ്റ്ലസുകൾ സാധാരണ ഉൾക്കൊള്ളുന്നത്. അടുത്ത കാലത്തായി ഭൂമിശാസ്ത്രേതര വസ്തുതകളുടെ വിതരണ ചിത്ര(distribution map)ങ്ങളോ[1] ലേഖ(graph)കളോ ഉൾക്കൊള്ളുന്ന സമാഹാരങ്ങൾക്കും അറ്റ്ലസ് എന്നു പറയാറുണ്ട്. ആധുനികമാനചിത്രകലയുടെ ഉപജ്ഞാതാക്കളായ ജെറാർഡ് മർക്കാറ്ററും കൂട്ടരും തങ്ങളുടെ സമാഹാരങ്ങളുടെ മുഖചിത്രമായി ഭൂമിയെ ചുമലിൽ വഹിച്ചു നില്ക്കുന്ന അറ്റ്ലസിന്റെ ചിത്രം ചേർത്തുപോന്നതിനെ ആസ്പദമാക്കിയാണ് പിൽക്കാലത്ത് മാനചിത്രാവലികൾ അറ്റ്ലസ് എന്ന പേരിൽ അറിയപ്പെട്ടുതുടങ്ങിയത്.