അൾട്രാ ഹൈ ഡെഫനിഷൻ ടെലിവിഷൻ
From Wikipedia, the free encyclopedia
അൾട്രാ ഹൈ ഡെഫനിഷൻ ടെലിവിഷൻ (അഥവാ അൾട്രാ എച്ച്ഡി ടെലിവിഷൻ, അൾട്രാ എച്ച്ഡി, യുഎച്ച്ഡിടിവി, യുഎച്ച്ഡി, സൂപ്പർ ഹൈ-വിഷൻ) എന്നിവ 4K UHD, 8K UHD എന്ന രണ്ട് ഡിജിറ്റൽ വീഡിയോ ഫോർമാറ്റുകൾ ഉൾപ്പെടുന്നതാണ്. എൻ എച്ച് കെ സയൻസ് ആൻഡ് ടെക്നോളജി റിസർച്ച് ലാബോറട്ടറി നിർദ്ദേശിച്ച ഈ രണ്ട് ഡിജിറ്റൽ വീഡിയോ ഫോർമാറ്റുകൾ പിന്നീട് അന്താരാഷ്ട്ര ടെലികമ്യൂണിക്കേഷൻ യൂണിയൻ (ITU) നിർവചിക്കുകയും അംഗീകരിക്കുകയും ചെയ്തു.[1][2][3][4]
16: 9 എന്ന ആസ്പെക്റ്റ് അനുപാതം, അല്ലെങ്കിൽ ഒരു ഡിജിറ്റൽ ഇൻപുട്ട് മുഖേന 3840 × 2160 പിക്സൽ റെസൊലൂഷനുള്ള വീഡിയോ പ്രദർശിപ്പിക്കാൻ കഴിയുന്ന ഡിസ്പ്ലേകളിൽ, അൾട്ര ഹൈ ഡെഫിനിഷൻ അഥവാ "അൾട്രാ എച്ച്ഡി" ഉപയോഗിക്കുമെന്ന്, 2012 ഒക്ടോബർ 17 ന് കൺസ്യൂമർ ഇലക്ട്രോണിക്സ് അസോസിയേഷൻ അറിയിച്ചു. [5][6]
അൾട്രാ ഹൈ ഡെഫിനിഷൻ ടെലിവിഷൻ സാങ്കേതികവിദ്യ ജനപ്രിയമാക്കാനും, ഇന്ററോപ്പറബിളിറ്റി ഉറപ്പാക്കാനും, വ്യവസായ മാർഗനിർദ്ദേശങ്ങൾ സ്വീകരിക്കുവാനും, 2015-ൽ, അൾട്രാ എച്ച്ഡി ഫോറം രൂപീകരിച്ചു.
അൾട്രാ ഹൈ-ഡെഫനിഷൻ ടെലിവിഷൻ അൾട്രാ എച്ച്ഡി, യുഎച്ച്ഡി, യുഎച്ച്ഡിടിവി എന്നിങ്ങനെ അറിയപ്പെടുന്നു. [7][8][9][10][11] ജപ്പാനിൽ 8K യുഎച്ച്ഡിടിവി സൂപ്പർ ഹൈ- വിഷൻ എന്നറിയപ്പെടും, കാരണം എച്ച്ഡിടിവി ജപ്പാനിൽ ഹൈ-വിഷൻ എന്നാണ് അറിയപ്പെടുന്നത്. [12][13] കൺസ്യൂമർ ഇലക്ട്രോണിക് മാർക്കറ്റ് കമ്പനികൾ മുൻപ് 2012-ൽ CES 4K എന്ന വാക്ക് ഉപയോഗിച്ചുവെങ്കിലും 2013 ൽ CES ൽ അത് "അൾട്രാ എച്ച്ഡി" ആയി മാറ്റി. "അൾട്രാ എച്ച്ഡി ബ്ലൂ റേ" യുടെ അവതരണത്തോടെ ഈ പദം ജനങ്ങൾക്ക് ഏറെ പരിചിതമായിരുന്നു. അതിനാൽ അൾട്രാ എച്ച്ഡി എന്ന പദം വിശാലമായ ഗവേഷണത്തിനുശേഷം കൺസ്യൂമർ ഇലക്ട്രോണിക്സ് അസോസിയേഷൻ തെരഞ്ഞെടുത്തു. [14]