ഈയം വിഷബാധ
From Wikipedia, the free encyclopedia
മനുഷ്യ ശരീരത്തിൽ ഈയം മൂലമുണ്ടാകുന്ന ഒരുതരം ലോഹ വിഷബാധയാണ് ഈയം വിഷബാധ.[2] മസ്തിഷ്കമാണ് ഇതിനോട് ഏറ്റവും കൂടുതൽ പ്രതികരിക്കുന്നത്. വയറുവേദന, മലബന്ധം, തലവേദന, ക്ഷോഭം, ഓർമ്മ പ്രശ്നങ്ങൾ, വന്ധ്യത, പാരെസ്തേഷ്യ എന്നിവയാണ് ഈ വിഷബാധയുടെ ലക്ഷണങ്ങൾ.[1] ഇതുമൂലം ബൗദ്ധിക വൈകല്യത്തിന് കാരണമാവുകയും പെരുമാറ്റ പ്രശ്നങ്ങൾ ഉണ്ടാവുകയും ചെയ്യുന്നു. കഠിനമായ വിഷബാധയിൽ വിളർച്ച, കോച്ചിപ്പിടുത്തം, കോമ അല്ലെങ്കിൽ മരണം വരെ സംഭവിക്കാം.
ഈയം വിഷബാധ | |
---|---|
മറ്റ് പേരുകൾ | Plumbism, colica pictorum, saturnism, Devon colic, painter's colic |
An X ray demonstrating the characteristic finding of lead poisoning in humans—dense metaphyseal lines. | |
സ്പെഷ്യാലിറ്റി | Toxicology |
ലക്ഷണങ്ങൾ | Intellectual disability, abdominal pain, constipation, headaches, irritability, memory problems, inability to have children, tingling in the hands and feet[1][2] |
സങ്കീർണത | Anemia, seizures, coma[1][2] |
കാരണങ്ങൾ | Exposure to lead via contaminated air, water, dust, food, consumer products[2] |
അപകടസാധ്യത ഘടകങ്ങൾ | Being a child[2] |
ഡയഗ്നോസ്റ്റിക് രീതി | Blood lead level[2] |
ഡിഫറൻഷ്യൽ ഡയഗ്നോസിസ് | Iron deficiency anemia, malabsorption, anxiety disorder, polyneuropathy[3] |
പ്രതിരോധം | Removing lead from the home, improved monitoring in the workplace, laws that ban lead in products[2][4][5][6] |
Treatment | Chelation therapy[4] |
മരുന്ന് | Dimercaprol, edetate calcium disodium, succimer[7] |
മരണം | 540,000 (2016)[2] |
മലിനമായ വായു, വെള്ളം, പൊടി, ഭക്ഷണം അല്ലെങ്കിൽ ഉപഭോക്തൃ ഉൽപ്പന്നങ്ങൾ എന്നിവയിലൂടെ ഈയം വിഷബാധ സംഭവിക്കാവുന്നതാണ്. ഈയം പെയിന്റ് അടങ്ങിയ വസ്തുക്കൾ വായിൽ വയ്ക്കാനും ഈയത്തിന്റെ വലിയൊരു ഭാഗം ആഗിരണം ചെയ്യാനും സാധ്യതയുള്ളതിനാൽ കുട്ടികൾ കൂടുതൽ അപകടസാധ്യതയിലാണ്. പ്രത്യേക അപകടസാധ്യതയുള്ള ചില തൊഴിലുകളിലേർപ്പെടുന്ന മുതിർന്നവരിൽ ഈയം വിഷബാധയുണ്ടാകാനുള്ള സാധ്യത കൂടുതലാണ്.[7] രക്തത്തിലെ ഈയം നിരക്ക് അളക്കുന്നതിലൂടെയാണ് രോഗനിർണയം നടത്തുന്നത്.[2] സെന്റർസ് ഫോർ ഡിസീസ് കൺട്രോൾ (യുഎസ്) മുതിർന്നവർക്ക് രക്തത്തിലെ ലെഡിന് 10 µg/dl (10 µg/100 g) എന്ന പരിധിയും കുട്ടികൾക്ക് 5 µg/dl 5 എന്ന പരിധിയും നിശ്ചയിച്ചിട്ടുണ്ട്. [8] [9] ചുവന്ന രക്താണുക്കളുടെ ഘടനാമാറ്റം നിരീക്ഷിച്ചും എക്സ്-റേയിൽ കാണുന്നതുപോലെ കുട്ടികളുടെ അസ്ഥികളിലെ അടയാളങ്ങളിലൂടെയോ എലവേറ്റഡ് ഈയം കണ്ടെത്താം. [4]
ഈയം വിഷബാധ തടയാൻ കഴിയും.[2] വീട്ടിൽ നിന്ന് ഈയം അടങ്ങിയ ഇനങ്ങൾ നീക്കംചെയ്യൽ,[5] മെച്ചപ്പെട്ട വെന്റിലേഷൻ, ജോലിസ്ഥലത്തെ മോണിറ്ററിംഗ് പോലുള്ള ശ്രമങ്ങൾ,[6] പെയിന്റ്, ഗ്യാസോലിൻ തുടങ്ങിയ ഉൽപ്പന്നങ്ങളിൽ ഈയം നിരോധിക്കുന്ന നിയമങ്ങൾ പോലുള്ള രാജ്യവ്യാപകമായ നയങ്ങൾ, അനുവദനീയമായ അളവ് കുറയ്ക്കൽ എന്നിവ ഇതിൽ ഉൾപ്പെടുന്നു. വെള്ളം, മണ്ണ് എന്നിവയുടെ ഈയം മലിനീകരണം തടയുക,[4] ഈയത്തിന്റെ ഉറവിടം നീക്കം ചെയ്യുക, ഈയവുമായി ബന്ധമുള്ള മരുന്നുകളുടെ ഉപയോഗം കുറയ്ക്കുക എന്നിവയാണ് സ്വീകരിക്കാവുന്നത്. കിലീഷൻ തെറാപ്പി വഴി ഇത് ശരീരത്തിൽ നിന്ന് പുറന്തള്ളാൻ കഴിയും.[10] ഡൈമെർകാപ്രോൾ, എഡിറ്റേറ്റ് കാൽസ്യം ഡൈ സോഡിയം, സുസിമർ എന്നിവ ഉപയോഗിച്ച് ചികിൽസിക്കുന്നു.[7]
2016 ൽ ലോകമെമ്പാടുമുള്ള 540,000 മരണങ്ങൾക്ക് ഈയം കാരണമായതായി കരുതപ്പെടുന്നു.[2] വികസ്വര രാജ്യങ്ങളിൽ ഇത് സാധാരണയായി സംഭവിക്കാറുണ്ട്. ദരിദ്രരായവർക്ക് കൂടുതൽ അപകടസാധ്യതയുണ്ട്. ആയിരക്കണക്കിന് വർഷങ്ങളായി ആളുകൾ ഖനനം നടത്തുകയും ഈയം ഉപയോഗിക്കുകയും ചെയ്യുന്നു.[4] ഈയം വിഷബാധയെക്കുറിച്ചുള്ള വിവരണങ്ങൾ ബിസി 2000 മുതൽക്കേ ഉണ്ട്. ഈയത്തിന്റെ ഉപയോഗം പരിമിതപ്പെടുത്താനുള്ള ശ്രമങ്ങൾ പതിനാറാം നൂറ്റാണ്ടുമുതൽക്കേയുണ്ട്. [5]