കംബോഡിയയുടെ ചരിത്രം
From Wikipedia, the free encyclopedia
തെക്കുകിഴക്കേ ഏഷ്യയിൽ ഇന്തോ-ചൈനയിൽ സ്ഥിതിചെയ്യുന്ന കംബോഡിയയുടെ ചരിത്രം ഇന്ത്യൻ നാഗരികതയുടെ ചരിത്രവുമായി ബന്ധപ്പെട്ടുകിടക്കുന്നു[1][2] ഇപ്പോഴത്തെ കംബോഡിയൻ പ്രദേശത്തിന്റെ രാഷ്ട്രീയ ഘടനയെക്കുറിച്ചുള്ള ആദ്യകാല പരാമർശങ്ങളിൽ, ഒന്നാം നൂറ്റാണ്ട് മുതൽ ആറാം നൂറ്റാണ്ടുവരെയുള്ള ചൈനീസ് കാലാനുക്രമ ചരിതത്തിൽ ഫൂനാനെക്കുറിച്ചുള്ള വിശദമായ വിവരണങ്ങളിൽ പ്രതിപാദിക്കപ്പെട്ടിരിക്കുന്നു. മെകോങ് നദിക്കരയിൽ കേന്ദ്രീകരിച്ചതും[3] ഈ പ്രദേശത്തിലെ ആദ്യത്തെ ഹൈന്ദവ രാജ്യവുമായ ഫൂനാൻ, ഇന്ത്യയുമായി സമുദ്രവ്യാപാരവും വ്യാപരബന്ധങ്ങളും നടത്തിയിരുന്നു.[4] ആറാം നൂറ്റാണ്ടിലെ ചൈനീസ് കാലാനുക്രമ ചരിതത്തിൽ ഫൂനാനുശേഷം സ്ഥാപിക്കപ്പെട്ടതും ഇന്തോ-ചൈനയിൽ ഒന്നിലധികം ഭരണകേന്ദ്രങ്ങളോടെ കൂടുതൽ പ്രദേശങ്ങളിലേക്ക് വ്യാപിച്ചതുമായ ചെൻല അഥവാ ഷെൻല എന്നറിയപ്പെടുന്ന സംസ്കാരത്തെക്കുറിച്ച് പ്രതിപാദിക്കപ്പെട്ടിരിക്കുന്നു.[5][6]