കമ്പ്യൂട്ടർ സഹായത്തോടെയുള്ള ഡിസൈൻ
From Wikipedia, the free encyclopedia
കമ്പ്യൂട്ടർ സഹായത്തോടെയുള്ള ഡിസൈൻ (CAD) എന്നത് ഒരു ഡിസൈനിന്റെ സൃഷ്ടി, പരിഷ്കരണം, വിശകലനം അല്ലെങ്കിൽ ഒപ്റ്റിമൈസേഷൻ എന്നീ കാര്യങ്ങളിൽ സഹായിക്കുന്നതിന് കമ്പ്യൂട്ടറുകളുടെ (അല്ലെങ്കിൽ വർക്ക്സ്റ്റേഷനുകൾ) ഉപയോഗമാണ്.[1]:3ഡിസൈനറുടെ ഉൽപ്പാദനക്ഷമത വർദ്ധിപ്പിക്കുന്നതിനും ഡിസൈനിന്റെ ഗുണനിലവാരം മെച്ചപ്പെടുത്തുന്നതിനും ഡോക്യുമെന്റേഷനിലൂടെ ആശയവിനിമയം മെച്ചപ്പെടുത്തുന്നതിനും നിർമ്മാണത്തിനായി ഒരു ഡാറ്റാബേസ് സൃഷ്ടിക്കുന്നതിനും ഈ സോഫ്റ്റ്വെയർ ഉപയോഗിക്കുന്നു.[1]:4പേറ്റന്റ് ആപ്ലിക്കേഷനുകളിൽ ഉപയോഗിക്കുമ്പോൾ കാഡ്(CAD) സോഫ്റ്റ്വെയർ മുഖേനയുള്ള ഡിസൈനുകൾ ഉൽപ്പന്നങ്ങളും കണ്ടുപിടുത്തങ്ങളും സംരക്ഷിക്കാൻ സഹായിക്കുന്നു. കാഡ് ഔട്ട്പുട്ട് പലപ്പോഴും പ്രിന്റ്, മെഷീനിംഗ് അല്ലെങ്കിൽ മറ്റ് നിർമ്മാണ പ്രവർത്തനങ്ങൾക്കുള്ള ഇലക്ട്രോണിക് ഫയലുകളുടെ രൂപത്തിലാണ്. കമ്പ്യൂട്ടർ എയ്ഡഡ് ഡ്രാഫ്റ്റിംഗ് (CAD), കമ്പ്യൂട്ടർ എയ്ഡഡ് ഡിസൈൻ ആൻഡ് ഡ്രാഫ്റ്റിംഗ് (CADD) എന്നീ പദങ്ങളും ഉപയോഗിക്കുന്നു.[2]
ഇലക്ട്രോണിക് സംവിധാനങ്ങൾ രൂപകല്പന ചെയ്യുന്നതിനാൽ ഇതിന്റെ ഉപയോഗം ഇലക്ട്രോണിക് ഡിസൈൻ ഓട്ടോമേഷൻ (EDA) എന്നാണ് അറിയപ്പെടുന്നത്. മെക്കാനിക്കൽ ഡിസൈനിൽ ഇത് മെക്കാനിക്കൽ ഡിസൈൻ ഓട്ടോമേഷൻ (MDA) എന്നറിയപ്പെടുന്നു, അതിൽ കമ്പ്യൂട്ടർ സോഫ്റ്റ്വെയർ ഉപയോഗിച്ച് ഒരു ടെക്നോളജി ഡ്രോയിംഗ് സൃഷ്ടിക്കുന്ന പ്രക്രിയ ഉൾപ്പെടുന്നു.[3]
മെക്കാനിക്കൽ ഡിസൈനിനായുള്ള കാഡ് സോഫ്റ്റ്വെയർ പരമ്പരാഗത ഡ്രാഫ്റ്റിംഗിന്റെ ഒബ്ജക്റ്റുകൾ ചിത്രീകരിക്കുന്നതിന് വെക്റ്റർ അധിഷ്ഠിത ഗ്രാഫിക്സ് ഉപയോഗിക്കുന്നു, അല്ലെങ്കിൽ രൂപകൽപ്പന ചെയ്ത വസ്തുക്കളുടെ മൊത്തത്തിലുള്ള രൂപം കാണിക്കുന്ന റാസ്റ്റർ ഗ്രാഫിക്സും നിർമ്മിക്കാം. എന്നിരുന്നാലും, അതിൽ കേവലം രൂപങ്ങൾ മാത്രമല്ല ഉൾപ്പെടുന്നത് മറിച്ച് എഞ്ചിനീയറിംഗിലും രൂപകൽപ്പനയിലും വ്യക്തതയ്ക്കും കൃത്യതയ്ക്കും വേണ്ടി പ്രത്യേക കൺവെൻഷനുകൾ പാലിച്ചുകൊണ്ട് ഡിജിറ്റൽ ഡ്രോയിംഗുകളിലൂടെ മെറ്റീരിയലുകൾ, പ്രക്രിയകൾ, അളവുകൾ, ടോളറൻസുകൾ എന്നിവ ഉൾപ്പെടെയുള്ള വിശദമായ സാങ്കേതിക വിവരങ്ങൾ വച്ച് കാഡുമായി ആശയവിനിമയം നടത്തുന്നു.
കാഡിന് വളവുകളും രൂപങ്ങളും ഉപയോഗിച്ച് 2ഡി ഡിസൈനുകൾ അല്ലെങ്കിൽ കർവുകൾ, ഉപരിതലങ്ങൾ, സോളിഡുകൾ എന്നിവയുള്ള 3ഡി ഡിസൈനുകൾ സൃഷ്ടിക്കാൻ കഴിയും.[4]
ഓട്ടോമോട്ടീവ്, ഷിപ്പ് ബിൽഡിംഗ്, എയ്റോസ്പേസ് വ്യവസായങ്ങൾ, വ്യാവസായിക, ആർക്കിടെക്ചറൽ ഡിസൈൻ (ബിൽഡിംഗ് ഇൻഫർമേഷൻ മോഡലിംഗ്), പ്രോസ്തെറ്റിക്സ് തുടങ്ങി നിരവധി ആപ്ലിക്കേഷനുകളിൽ വ്യാപകമായി ഉപയോഗിക്കുന്ന ഒരു പ്രധാന ഇൻഡസ്ട്രിയൽ ആർട്ടാണ് കാഡ്. സിനിമകൾ, പരസ്യങ്ങൾ, ടെക്നിക്കൽ മാനുവലുകൾ എന്നിവയിലെ സ്പെഷ്യൽ ഇഫക്റ്റുകൾക്കായി കമ്പ്യൂട്ടർ ആനിമേഷൻ നിർമ്മിക്കുന്നതിനും കാഡ് വ്യാപകമായി ഉപയോഗിക്കപ്പെടുന്നു, ഇത് പലപ്പോഴും ഡിസിസി(DCC) ഡിജിറ്റൽ കണ്ടന്റ് ക്രിയേക്ഷൻ എന്ന് വിളിക്കപ്പെടുന്നു.
ഇന്നത്തെ വികസിത കമ്പ്യൂട്ടർ സാങ്കേതികവിദ്യയ്ക്ക് നന്ദി, പെർഫ്യൂം ബോട്ടിലുകളും ഷാംപൂ ഡിസ്പെൻസറുകളും പോലുള്ള നിത്യോപയോഗ സാധനങ്ങൾ പോലും 1960-കളിൽ എഞ്ചിനീയർമാർക്ക് സങ്കൽപ്പിക്കാൻ പോലും കഴിയാത്ത അത്യാധുനിക സാങ്കേതിക വിദ്യകൾ ഉപയോഗിച്ചാണ് രൂപകൽപ്പന ചെയ്തിരിക്കുന്നത്. കമ്പ്യൂട്ടർ ഇപ്പോൾ ഡിസൈൻ പ്രക്രിയയിൽ ഇത് നിർണായക പങ്ക് വഹിക്കുന്നു, മുമ്പ് അസാധ്യമായിരുന്ന ഉൽപ്പന്നം വികസിപ്പിക്കുന്നതിൽ കൃത്യതയും സങ്കീർണ്ണതയും നൂതനത്വവും അനുവദിക്കുന്നു.[5]
ഒബ്ജക്റ്റ് ഷെയിപ്പുകൾക്കുള്ള ജ്യാമിതീയ മോഡലുകളുടെ രൂപകൽപ്പനയെ, പ്രത്യേകിച്ച്, കമ്പ്യൂട്ടർ-എയ്ഡഡ് ജോമെട്രി ഡിസൈൻ (CAGD) എന്ന് വിളിക്കുന്നു.[6]