കാസ്കേഡ് റേഞ്ച്
From Wikipedia, the free encyclopedia
കാസ്കേഡ് റേഞ്ച് അല്ലെങ്കിൽ കാസ്കേഡ്സ് തെക്കൻ ബ്രിട്ടീഷ് കൊളംബിയിൽനിന്നാരംഭിച്ച് വാഷിംഗ്ടൺ, ഒറിഗൺ എന്നിവിടങ്ങളിലൂടെ വടക്കൻ കാലിഫോർണിയ വരെ വ്യാപിച്ചുകിടക്കുന്ന പടിഞ്ഞാറൻ വടക്കേ അമേരിക്കയിലെ ഒരു പ്രധാന പർവതനിരയാണ്. നോർത്ത് കാസ്കേഡ്സ് പോലുള്ള അഗ്നിപർവ്വതേതര പർവതങ്ങളും ഹൈ കാസ്കേഡ്സ് എന്നറിയപ്പെടുന്ന ശ്രദ്ധേയമായ അഗ്നിപർവ്വതങ്ങളും ഇതിൽ ഉൾപ്പെടുന്നു. ബ്രിട്ടീഷ് കൊളംബിയയിലെ പർവ്വതനിരയുടെ ഒരു ചെറിയ ഭാഗത്തെ കനേഡിയൻ കാസ്കേഡ്സ് അല്ലെങ്കിൽ പ്രാദേശികമായി കാസ്കേഡ് പർവതനിരകൾ എന്ന് വിളിക്കപ്പെടുന്നു. ഈ ശ്രേണിയിലെ ഏറ്റവും ഉയർന്ന കൊടുമുടി 14,411 അടി (4,392 മീറ്റർ) ഉയരത്തിലുള്ള വാഷിംഗ്ടണിലെ മൌണ്ട് റെയ്നിയർ ആണ്.
Cascade Range | |
---|---|
Cascade Mountains (in Canada) "The Cascades" | |
ഉയരം കൂടിയ പർവതം | |
Peak | Mount Rainier |
Elevation | 14,411 ft (4,392 m) |
Coordinates | 46°51′1.9″N 121°45′35.6″W |
വ്യാപ്തി | |
നീളം | 700 mi (1,100 km) north-south |
Width | 80 mi (130 km) |
ഭൂമിശാസ്ത്രപരമായ പ്രത്യേകതകൾ | |
Countries | United States and Canada |
Provinces/States | British Columbia, Washington, Oregon, and California |
റിംഗ് ഓഫ് ഫയർ എന്നറിയപ്പെടുന്ന പസഫിക് മഹാസമുദ്രത്തെ വലയം ചെയ്തു കിടക്കുന്ന അഗ്നിപർവ്വതങ്ങളുടേയും ബന്ധപ്പെട്ട പർവതങ്ങളുടേയും ഭാഗമാണ് കാസ്കേഡ്. കഴിഞ്ഞ 200 വർഷത്തിനിടയിൽ തുടർച്ചയായ അമേരിക്കൻ ഐക്യനാടുകളിലെ എല്ലാ പൊട്ടിത്തെറികളും കാസ്കേഡ് അഗ്നിപർവ്വതങ്ങളിൽ നിന്നായിരുന്നു. 1914 മുതൽ 1921 വരെയുള്ള ലാസ്സൻ കൊടുമുടിയിലേയും 1980 ലെ സെന്റ് ഹെലൻസ് കൊടുമുടിയിലേയുമാണ് ഏറ്റവും പുതിയ രണ്ട് വലിയ പൊട്ടിത്തെറികൾ. സെന്റ് ഹെലൻസ് കൊടുമുടിയിൽ 2004 മുതൽ 2008 വരെയുള്ള സമീപകാലത്ത് ചെറിയ പൊട്ടിത്തെറികളും ഉണ്ടായിട്ടുണ്ട്.[1] വടക്കേ അമേരിക്ക, മധ്യ അമേരിക്ക, തെക്കേ അമേരിക്ക എന്നിവയുടെ പടിഞ്ഞാറൻ നട്ടെല്ലായി രൂപപ്പെടുന്ന പർവതനിരകളുടെ (കോർഡില്ലേറ) ഒരു തുടർച്ചയായ ശൃംഖലയായ അമേരിക്കൻ കോർഡില്ലേറയുടെ ഭാഗമാണ് കാസ്കേഡ് റേഞ്ച്.