ചിത്രകൂടക്കല്ല്
From Wikipedia, the free encyclopedia
ഹിന്ദുമതവുമായി ബന്ധപ്പെട്ട്, വീടുകളിലും ക്ഷേത്രങ്ങളിലുംമറ്റുമായി നിലനിൽക്കുന്ന കാവുകളിൽ, അഷ്ടനാഗങ്ങളിൽ ഉൾപ്പെടുന്നതോ ദേവതാ സങ്കൽപ്പത്തിൽ ഗണിക്കപ്പെടുന്നതോ ആയ പാമ്പിനെ പ്രതീകാത്മകമായി കുടിയിരുത്തുന്ന പ്രതിഷ്ഠ അഥവാ, സർപ്പഗൃഹമാണ് ചിത്രകൂടക്കല്ല്. പുരാതനകാലംതൊട്ടേ, ചിത്രകൂടം, നാഗക്കല്ല്, സർപ്പക്കല്ല് എന്നീ പേരുകളിലും അറിയപ്പെടുന്ന ചിത്രകൂടക്കല്ലുകളിൽ സർപ്പാരാധന നടത്തിവരുന്നുണ്ട്[1][2]. അപൂർവമായി, ചിത്രകൂടക്കല്ലിനെയും ഒരു വിഗ്രഹമായി പ്രതിഷ്ഠ നടത്തി ആരാധിക്കുന്നുണ്ട്[3]. ശബരിമലയിൽ 2017 ജൂണിൽ, നാഗരാജാവ്, നാഗയക്ഷി എന്നിവർക്കൊപ്പം ചിത്രകൂടം വിഗ്രഹത്തിൻറെ പ്രതിഷ്ഠയും നടത്തിയിരുന്നു[3].