ജലപാളിപ്രവർത്തനം
From Wikipedia, the free encyclopedia
ഒരു വാഹനത്തിന്റെ ടയറിനും റോഡിനുമിടയിൽ ജലത്തിന്റെ ഒരു പാളി രൂപം കൊളളുകയും തന്മൂലം റോഡിന് ടയറുമായുളള പിടുത്തം നഷ്ടമാകുന്നതോടെ വാഹനത്തെ നിയന്ത്രിക്കാൻ കഴിയാതെ വരുകയും ചെയ്യുന്ന പ്രതിഭാസമാണ് ജലപാളി പ്രവർത്തനം (Aquaplaning) എന്നറിയപ്പെടുന്നത്. എല്ലാ ചക്രങ്ങളിലും ഒരേസമയം ഇത് സംഭവിക്കുകയാണെങ്കിൽ, വാഹനം അനിയന്ത്രിതമായി തെന്നിമാറും. റോഡിന്റെ ഉപരിതലത്തിലെ ജലം കേവലം ഒരു സ്നിഗ്ദ്ധകമായി (Lubricant) പ്രവർത്തിക്കുന്നതുമൂലമുണ്ടാകുന്ന ഒരു വ്യത്യസ്ത പ്രതിഭാസമാണ് ജലപാളി പ്രവർത്തനം. നനഞ്ഞ പാതകളിൽ ജലപാളി പ്രവർത്തനം നടന്നില്ലെങ്കിൽപോലും പിടുത്തം കുറയും എന്ന കാര്യം നമുക്കനുഭവമുളളതാണ്.[1]