ജാസ്പർവെയർ
From Wikipedia, the free encyclopedia
1770 കളിൽ ജോഷിയ വെഡ്ജ്വുഡ് ആദ്യമായി വികസിപ്പിച്ചെടുത്ത ഒരു തരം മൺപാത്രമാണ് ജാസ്പർവെയർ. സാധാരണയായി ഇതിനെ കൽഭരണി എന്ന് വിശേഷിപ്പിക്കപ്പെടുന്നു. [2]മിനുസപ്പെടുത്താത്ത മൺപാത്രത്തിൻറെ പരുക്കൻ പ്രതലമാണ് ഇതിന് കാണപ്പെടുന്നത്. വിവിധ നിറങ്ങളിൽ ജാസ്പർവെയർ നിർമ്മിക്കുന്നുണ്ടെങ്കിലും വെഡ്ജ്വുഡ് ബ്ലൂ എന്ന പേരിൽ അറിയപ്പെടുന്ന ഇളം നീല നിറമാണ് ഏറ്റവും സാധാരണമായി കാണപ്പെടുന്നത്.[3]വിപരീത നിറങ്ങളിൽ മുഴച്ചുനില്ക്കുന്നതരം അലങ്കാരപ്പണികൾ (സാധാരണയായി വെള്ളയിലും മറ്റു നിറങ്ങളിലും) ജാസ്പർവെയറിന്റെ സവിശേഷതയാണ്, ഇതൊരു കാമിയോ പ്രതീതി നല്കുന്നു. പാത്രത്തിനുചുറ്റും വള്ളിപടർപ്പുകളുടെ അലങ്കാരചിത്രങ്ങൾ മോൾഡിംഗിലൂടെ നിർമ്മിച്ചെടുക്കുന്നു.[4]
നിരവധി വർഷത്തെ പരീക്ഷണങ്ങൾക്ക് ശേഷം, വെഡ്ജ്വുഡ് 1770 കളുടെ അവസാനത്തിൽ ജാസ്പർവെയർ വിൽക്കാൻ തുടങ്ങി. ആദ്യം ചെറിയ വസ്തുക്കളായിരുന്നെങ്കിലും 1780 മുതൽ വലിയ പാത്രങ്ങൾ വരെയായി. ഇത് വളരെ പ്രചാരത്തിലായിരുന്നതിനാൽ കുറച്ച് വർഷങ്ങൾക്ക് ശേഷം മറ്റ് പല കുശവൻമാരും അവരുടെ സ്വന്തം പതിപ്പുകൾ ആവിഷ്കരിച്ചു. വെഡ്ജ്വുഡ് 21-ാം നൂറ്റാണ്ടിലും നിർമ്മാണം തുടർന്നു. അലങ്കാരം തുടക്കത്തിൽ ഫാഷനബിൾ നിയോക്ലാസിക്കൽ ശൈലിയിലായിരുന്നു. തുടർന്നുള്ള നൂറ്റാണ്ടുകളിൽ പലപ്പോഴും ഈ ശൈലി ഉപയോഗിച്ചിരുന്നുവെങ്കിലും മറ്റ് ശൈലികൾക്ക് അനുയോജ്യമായ രീതിയിലും ജാസ്പർവെയർ നിർമ്മിക്കാൻ തുടങ്ങി.
ഡിസൈനുകൾക്കായി സ്റ്റാഫോർഡ്ഷയർ മൺപാത്രങ്ങളുടെ സാധാരണ ലോകത്തിന് പുറത്തുള്ള പ്രമുഖ കലാകാരന്മാരിലേക്ക് വെഡ്ജ്വുഡ് തിരിഞ്ഞു. അക്കാലത്തെ പ്രമുഖ വ്യക്തികളുടെ ഉയർന്ന നിലവാരമുള്ള പേപ്പർ കട്ട് സിലൗട്ടുകളുടെ ഫാഷനുമായി പൊരുത്തപ്പെടുന്ന ഛായാചിത്രങ്ങളുൾപ്പെടുത്തി നിർമ്മിച്ചവ വളരെ ജനപ്രിയമായിരുന്നു. എന്നാൽ അവ സാധാരണയായി ടേബിൾവെയർ അല്ലെങ്കിൽ ടീവെയർ മാത്രമായിരുന്നില്ല. ത്രിമാന രൂപങ്ങൾ സാധാരണയായി ഒരു വലിയ പാത്രത്തിന്റെ ഒരുഭാഗം മാത്രമായിരുന്നു. സാധാരണയായി വെളുത്ത നിറത്തിൽ ടീവെയറുകളുടെ അകവശവും തിളങ്ങുന്ന വിധത്തിൽ നിർമ്മിച്ചിരുന്നു.
ഒറിജിനൽ ഫോർമുലേഷനിൽ കളിമണ്ണും മറ്റ് ചേരുവകളും ചേർത്ത് ചായം ചേർത്ത് നിറം നൽകുന്ന (പലപ്പോഴും "സ്റ്റെയിൻ" എന്ന് വിവരിക്കുന്നു); പ്രതലം ചൂളയിലിടാൻ പറ്റാത്തതിനാൽ ചായം പൂശിയ ഭാഗം സ്ലിപ്പ് കൊണ്ട് മൂടിയിരുന്നു. അതിനാൽ ഉപരിതലത്തിനടുത്തുള്ള പ്രതലത്തിന് മാത്രമേ നിറം ലഭിക്കൂ. ഈ തരങ്ങളെ യഥാക്രമം "സോളിഡ്", "ഡിപ്ഡ്" (അല്ലെങ്കിൽ "ജാസ്പർ ഡിപ്") എന്ന് വിളിക്കുന്നു. ചായം പൂശാത്ത പ്രതലത്തിന് വെളുത്തനിറവും ചൂളയിലിടുമ്പോൾ ചിലപ്പോൾ മഞ്ഞകലർന്ന നിറവുമാകുന്നു. വെളുത്തതായിരിക്കേണ്ട ഭാഗങ്ങളിൽ കോബാൾട്ട് ചേർത്തു.[5]