ടൂറിങ് അവാർഡ്
From Wikipedia, the free encyclopedia
അസോസിയേഷൻ ഫോർ കമ്പ്യൂട്ടിങ്ങ് മെഷീനറി എന്ന സംഘടന വർഷം തോറും കമ്പ്യൂട്ടർ രംഗത്തു പ്രവർത്തിക്കുന്ന പ്രതിഭകൾക്കു നൽകുന്ന പുരസ്കാരമാണ് എ, സി. എം. എ. എം. ടൂറിങ് അവാർഡ്. ഈ അവാർഡിനെ കമ്പ്യൂട്ടർ രംഗത്തു നിന്നുള്ള നോബൽ സമ്മാനം എന്നും വിശേഷിപ്പിച്ചു വരുന്നു.[2]കമ്പ്യൂട്ടർ സയൻസ് രംഗത്തെ അത്യുന്നതമായ പുരസ്കാരമായി അംഗീകരിക്കപ്പെട്ടിട്ടുണ്ട്.[3]കമ്പ്യൂട്ടർ സയൻസിലെ ഏറ്റവും ഉയർന്ന പുരസ്കാരമായി ഇത് പൊതുവെ അംഗീകരിക്കപ്പെടുന്നു, കൂടാതെ ഇത് "കമ്പ്യൂട്ടിംഗിന്റെ നോബൽ സമ്മാനം" എന്നും അറിയപ്പെടുന്നു അല്ലെങ്കിൽ പലപ്പോഴും വിളിക്കപ്പെടുന്നു.[4][5][6][7]
എസിഎം ട്യൂറിംഗ് അവാർഡ് | |
---|---|
രാജ്യം | United States |
നൽകുന്നത് | Association for Computing Machinery (ACM) |
പ്രതിഫലം | US $1,000,000[1] |
ആദ്യം നൽകിയത് | 1966; 58 years ago (1966) |
അവസാനമായി നൽകിയത് | 2021 |
ഔദ്യോഗിക വെബ്സൈറ്റ് | amturing |
മഞ്ചെസ്റ്റെർ യൂണിവേഴ്സിറ്റിയിലെ ഗണിതാദ്ധ്യാപകനും ഗണിതശാസ്ത്രജ്ഞനുമായിരുന്ന അലൻ ടൂറിങിന്റെ പേരിലുള്ള പുരസ്കാരമാണ് ഇത്. ടൂറിങിനെ കൃത്രിമ ബുദ്ധി, തിയററ്റിക്കൽ കമ്പ്യൂട്ടർ സയൻസ് എന്നിവയുടെ പിതാവായി കരുതിവരുന്നു. 2007 മുതൽ ഇന്റെൽ, ഗൂഗിൾ ഇവയുടെ സഹായത്തോടെ 250000 ഡോളറാണ് അവാർഡ് തുക. 2014 മുതൽ, ഗൂഗിൾ നൽകുന്ന സാമ്പത്തിക പിന്തുണയോടെ, അവാർഡിനോടൊപ്പം ഒരു മില്യൺ യുഎസ് ഡോളർ സമ്മാനമുണ്ട്.
കാർനെജീ മെല്ലൻ യൂണിവേഴ്സിറ്റിയിലെ അലൻ പെർളിസ് ആണ് ഈ അവാർഡിന്റെ ആദ്യ ജേതാവ്. ഐ.ബി.എം. കമ്പനിയിലെ ഫ്രാൻകിസ് അല്ലൻ ആണ് ആദ്യ വനിത പുരസ്കാരജേതാവ്, 2006ലാണ് ഈ പുരസ്കാരം നേടിയത്[8]. ഇന്ത്യയിൽ നിന്നും രാജ് റെഡ്ഡിക്കു മാത്രമേ ഈ പുരസ്കാരം ലഭിച്ചിട്ടുള്ളൂ. 2021-ലെ ഏറ്റവും പുതിയ അവാർഡ് ജേതാവ് ടെന്നസി സർവകലാശാലയിലെ ജാക്ക് ഡോങ്കാർറയാണ്.