ധരാതലീയ ഭൂപടം
From Wikipedia, the free encyclopedia
ഒരു ചെറിയ പ്രദേശത്തെ മനുഷ്യനിർമ്മിത വസ്തുക്കളേയും പ്രകൃതിദത്ത സവിശേഷതകളേയും അനുയോജ്യമായ ചിഹ്നങ്ങളും നിറങ്ങളും നൽകി ചിത്രീകരിക്കുന്ന ഭൂപടമാണ് ധരാതലീയ ഭൂപടം. ധരാതലീയ ഭൂപടങ്ങളുടെ ചരിത്രം പ്രധാനമായും സൈനിക പ്രവർത്തനങ്ങളുമായിബന്ധപ്പെട്ടതാണ്.[1][2] തന്ത്രപ്രധാന പ്രദേശങ്ങൾ ചിത്രീകരിച്ചിട്ടുള്ള ധരാതലിയ ഭൂപടങ്ങളുടെ ലഭ്യതയും ഉപയോഗവും നിയന്ത്രിക്കപ്പെട്ടിട്ടുണ്ട്. രാജ്യത്തിന്റെ ഭരണനിർവ്വഹണ കേന്ദ്രങ്ങൾ, ആണവ നിലയങ്ങൾ, അണക്കെട്ടുപ്രദേശങ്ങൾ, അന്തർദ്ദേശീയ അതിർത്തികൾ മുതലായവയുടേത് ഇപ്രകാരം തയ്യാറാക്കാറില്ല.