പിയേർ-എമെറിക് ഓബാമേയാങ്
From Wikipedia, the free encyclopedia
ഇംഗ്ലീഷ് പ്രീമിയർ ലീഗ് ക്ലബ് ആഴ്സണലിന്റെയും ഗാബൺ ദേശീയ ഫുട്ബാൾ ടീമിന്റെയും ക്യാപ്റ്റനാണ് പിയേർ-എമെറിക് എമിലിയാനോ ഫ്രാൻസ്വ ഓബാമേയാങ് (ജനനം: ജൂൺ 18, 1989). മുന്നേറ്റനിരയിൽ കളിക്കുന്ന അദ്ദേഹം തന്റെ വേഗത, ഫിനിഷിംഗ്, ഓഫ്-ബോൾ മൂവ്മെൻറ് എന്നിവക്ക് അറിയപ്പെടുന്നു. പ്രധാനമായും ഒരു സ്ട്രൈക്കറായിട്ടാണ് കളിക്കുന്ന ഓബാമേയാങ് വൈഡ് ഫോർവേഡ് എന്ന രീതിയിലും കളിച്ചിട്ടുണ്ട്.
Personal information | |||
---|---|---|---|
Full name | Pierre-Emerick Emiliano François Aubameyang[1] | ||
Date of birth | (1989-06-18) 18 ജൂൺ 1989 (34 വയസ്സ്)[2] | ||
Place of birth | Laval, France | ||
Height | 1.86 m (6 ft 1 in)[3] | ||
Position(s) | Striker | ||
Club information | |||
Current team | Arsenal | ||
Number | 14 | ||
Youth career | |||
1995–1997 | ASL L'Huisserie Football[4] | ||
1997–1998 | Nice | ||
1998–1999 | ASL L'Huisserie Football | ||
1999–2001 | Laval | ||
2001–2005 | Rouen | ||
2005–2007 | Bastia | ||
2007–2008 | Milan | ||
Senior career* | |||
Years | Team | Apps | (Gls) |
2008–2011 | Milan | 0 | (0) |
2008–2009 | → Dijon (loan) | 34 | (8) |
2009–2010 | → Lille (loan) | 14 | (2) |
2010–2011 | → Monaco (loan) | 19 | (2) |
2011 | → Saint-Étienne (loan) | 14 | (2) |
2011–2013 | Saint-Étienne | 73 | (35) |
2013–2018 | Borussia Dortmund | 144 | (98) |
2018– | Arsenal | 74 | (49) |
National team‡ | |||
2009 | France U21 | 1 | (0) |
2012 | Gabon U23 | 3 | (1) |
2009– | Gabon | 63 | (25) |
*Club domestic league appearances and goals, correct as of 10:45, 24 February 2020 (UTC) ‡ National team caps and goals, correct as of 21:30, 17 November 2019 (UTC) |
ഫ്രാൻസിലെ ലാവലിൽ ജനിച്ച ഓബാമേയാങ് സീരി അ ക്ലബ് എ.സി. മിലാനിൽ ചേർന്ന് തൻ്റെ സീനിയർ കരിയർ ആരംഭിച്ചു. യൂത്ത് ടീമിൽ നന്നായി തിളങ്ങിയ അദ്ദേഹത്തിന് 2008 ൽ ക്ലബ്ബിന്റെ ആദ്യ ടീമിലേക്ക് സ്ഥാനക്കയറ്റം ലഭിച്ചു. എന്നിരുന്നാലും, അദ്ദേഹം ഒരിക്കലും മിലാന് വേണ്ടി കളിക്കാൻ കഴിഞ്ഞില്ല, പകരം ഫ്രാൻസിലെ പല ക്ലബുകൾക്ക് വായ്പ അടിസ്ഥാനത്തിൽ കളിക്കുകയാണ് ചെയ്തത്. 2011-ൽ ലിഗ് 1 ടീം സെന്റ്-എറ്റിയേനിൽ വായ്പ അടിസ്ഥാനത്തിൽ പോയ അദ്ദേഹം അവിടെ സ്ഥിരമായി. സെന്റ്-എറ്റിയേനിൽ ചിലവഴിച്ച സമയത്ത് ഓബാമേയാങ്, 2012-13 കൂപ്പെ ഡി ലാ ലിഗ് വിജയിക്കാൻ ക്ലബ്ബിനെ സഹായിക്കുകയും, ആ വർഷത്തെ ലീഗ് 1 ടീമിൽ ഇടംനേടുകയും ചെയ്തു. 2013 ൽ ബുണ്ടസ്ലിഗ ക്ലബ്ബായ ബോറുസിയ ഡോർട്മുണ്ടിൽ ചേർന്ന ഓബാമേയാങ്, 2016–17 സീസണിൽ ലീഗിലെ ഏറ്റവും മികച്ച ഗോൾ സ്കോററായി ഫിനിഷ് ചെയ്യുകയും ഡിഎഫ്ബി- പോക്കൽ കിരീടം നേടുകയും ചെയ്തു. ക്ലബ്ബിന്റെ ആറാമത്തെ എക്കാലത്തെയും മികച്ച ഗോൾ സ്കോററായും അദ്ദേഹം മാറി. 2018 ൽ, ഇംഗ്ലീഷ് പ്രീമിയർ ലീഗ് ടീമായ ആഴ്സണലുമായി 56 ദശലക്ഷം പൗണ്ട് വിലമതിക്കുന്ന ഒരു കരാറിൽ ഒപ്പുവെച്ച്, ഓബാമേയാങ് എക്കാലത്തേയും ഏറ്റവും വിലമതിക്കുന്ന ഗബോണീസ് കളിക്കാരനായി. ഇംഗ്ലണ്ടിലെ തന്റെ ആദ്യത്തെ മുഴുവൻ സീസണിൽ, അദ്ദേഹം പ്രീമിയർ ലീഗ് ഗോൾഡൻ ബൂട്ട് സാഡിയോ മാനെ, മുഹമ്മദ് സല എന്നിവരുമായി പങ്കിട്ടു.
2009 ൽ, തൻ്റെ പത്തൊൻപതാം വയസ്സിൽ, ഓബാമേയാങ് ഗാബോൺ ദേശീയ ടീമിൽ അരങ്ങേറ്റം നടത്തി. ഗാബോണിനായി 63 മത്സരങ്ങളിൽ കുപ്പായമണിഞ്ഞ അദ്ദേഹം 25 ഗോളുകൾ നേടി. മൂന്ന് ആഫ്രിക്ക കപ്പ് ഓഫ് നേഷൻസ് ടൂർണമെന്റുകളിലും 2012 സമ്മർ ഒളിമ്പിക്സിലും ഓബാമേയാങ് കളിച്ചിട്ടുണ്ട്. 2015 ലെ ആഫ്രിക്ക കപ്പ് ഓഫ് നേഷൻസിലെ പ്രകടനത്തിന്, ആഫ്രിക്കൻ ഫുട്ബോൾ ഓഫ് ദ ഇയർ ആയി ഓബാമേയാങിനെ തിരഞ്ഞെടുത്തു. ഈ അവാർഡിന് അർഹനാവുന്ന ആദ്യ ഗബോണീസ് കളിക്കാരനും, ഫ്രെഡറിക് കാനൗട്ടിന് ശേഷം ഈ നേട്ടം കൈവരിക്കുന്ന യൂറോപ്പിൽ ജനിച്ച രണ്ടാമത്തെ കളിക്കാരനുമായി ഓബാമേയാങ്.
2022 മെയ് 19-ന്, 73 മത്സരങ്ങൾക്കും 30 ഗോളുകൾക്കും ശേഷം പാട്രിക്-എമെറിക്ക് ഔബമേയാങ് തന്റെ അന്താരാഷ്ട്ര വിരമിക്കൽ ഔദ്യോഗികമായി പ്രഖ്യാപിച്ചു.