പ്രാചീന എബ്രായ ലിപി
From Wikipedia, the free encyclopedia
പുരാതന സെമറ്റിക് അക്ഷരമാലയുടെ ഒരു വ്യഞ്ജനമാത്രശിഖരമാണ് പ്രാചീന എബ്രായ ലിപി. ഫിനീഷ്യൻ അക്ഷരമാലയുമാലയുമായി സാമ്യമുള്ളതും അതിൽ നിന്ന് ഉരുത്തിരിഞ്ഞതുമാണത്. ഈ ലിപിക്ക് ബി.സി. പത്താം നൂറ്റാണ്ടോളമോ അതിനപ്പുറമോ പഴക്കമുണ്ടാകണം. യഹൂദ, ശമരിയ വിഭാഗങ്ങളായി പിൽക്കാലത്ത് വഴിപിരിഞ്ഞ പുരാതനകാലത്തെ ഇസ്രായേൽക്കാർ എബ്രായ ഭാഷ എഴുതാൻ ഈ ലിപി ഉപയോഗിച്ചിരുന്നു.
പ്രാചീന എബ്രായ ലിപി | |
---|---|
ഇനം | വ്യഞ്ജനമാത്രലിപി |
ഭാഷ(കൾ) | എബ്രായ ഭാഷ |
കാലഘട്ടം | ബിസി 10-ശതകം മുതൽ എഡി 135 വരെ |
യൂണിക്കോഡ് ശ്രേണി | U+10900–U+1091F |
Note: This page may contain IPA phonetic symbols in Unicode. |
ബി.സി. അഞ്ചാം നൂറ്റാണ്ടിൽ യഹൂദർ എബ്രായ ഭാഷ എഴുതാൻ അസീറിയൻ ലിപി എന്നു കൂടി അറിയപ്പെടുന്ന അരമായ ലിപി ഉപയോഗിക്കാൻ തുടങ്ങിയതോടെ, പ്രാചീന എബ്രായ ലിപി നിരുപയോഗമാകാൻ തുടങ്ങി. കുറേക്കാലത്തേക്ക് ഇരുലിപികളും സമാന്തരമായി ഉപയോഗത്തിലിരുന്നെങ്കിലും പൊതുവർഷം രണ്ടാം നൂറ്റാണ്ടോടെ പ്രാചീനലിപിയുടെ ഉപയോഗം യഹുദർക്കിടയിൽ തീർത്തും ഇല്ലാതായി. എബ്രായ ഭാഷയുടെ എഴുത്തിന് യഹൂദന്മാർ ഇപ്പോൾ ഉപയോഗിക്കുന്ന ചതുരലിപി അരാമിയയിൽ നിന്നു രൂപപ്പെട്ടതാണ്. ഇപ്പോൾ ആയിരത്തോളം മാത്രം സംഖ്യയുള്ള ശമരിയർ, പ്രാചീന എബ്രായ ലിപിയുടെ തുടർച്ചയായ ശമരിയ ലിപിയാണ് ഇപ്പോഴും ഉപയോഗിക്കുന്നത്.[1]