പ്രാണികളുടെ ചിറകുകൾ
From Wikipedia, the free encyclopedia
പ്രാണികളുടെ ബാഹ്യാസ്ഥികൂടത്തിനു പുറത്തു കാണപ്പെടുന്ന പറക്കുവാൻ സഹായിക്കുന്ന അവയവങ്ങളാണ് പ്രാണികളുടെ ചിറകുകൾ. അവ പ്രാണികളുടെ ഉരസ്സിന്റെ രണ്ടും മൂന്നും ഖണ്ഡങ്ങളിൽ കാണപ്പെടുന്നു. രണ്ടു ജോടി ചിറകുകളെ മുൻചിറകുകൾ, പിൻചിറകുകൾ എന്നിങ്ങനെ രണ്ടായി തിരിച്ചിരിക്കുന്നു. ചില പ്രാണികൾക്ക് പിൻചിറകുകൾ ഇല്ല. തുമ്പികൾ ന്യൂറോപ്റ്റെറ തുടങ്ങിയ പ്രാണികളുടെ ചിറകുകൾ ധാരാളം ഞരമ്പുകൾ ഉപയോഗിച്ചു ബലപ്പെടുത്തിയിട്ടുണ്ട്.[1][2] ഈ ഞരമ്പുകളുടെ ഘടന അവയെ കുടുംബങ്ങളും ജനുസുകളുമായി വേർതിരിക്കുവാൻ സഹായകമാണ്.[3]
ചില പ്രാണികളുടെ പേശികൾ നേരിട്ടും മറ്റുചിലവയുടേത് അല്ലാതെയും ചലിപ്പിക്കുന്നു. മുട്ടിലിഡെ, സ്ട്രെപ്സിപ്റ്റെറ പോലെയുള്ള ചിലപ്രാണികളുടെ ഒരു ലിംഗത്തിനു മാത്രമേ ചിറകുകൾ ഉള്ളൂ. ഉറുമ്പ്, ചിതൽ പോലെയുള്ള പ്രാണികളിൽ വേലക്കാർക്ക് ചിറകുകൾ ഇല്ല. അഫിഡ് പോലെയുള്ള ചിലപ്രാണികളിൽ ജൈവവ്യാപന ഘട്ടത്തിൽ മാത്രമേ ചിറകുകൾ ഉണ്ടാവുകയുള്ളൂ. ചില പ്രാണികൾ ചിറകുകൾ മടക്കിയും മറ്റുചിലവ ഉടലോടു ചേർത്തോ അല്ലാതെയോ വിടർത്തിത്തന്നെവെച്ചും വിശ്രമിക്കുന്നു. ചില പ്രാണികളുടെ ഒരുജോടി ചിറകുകൾ മാത്രമേ മടക്കാനാവൂ.
ചിറകുകൾ എങ്ങനെയാണ് ഉത്ഭവിച്ചതെന്ന് ഇപ്പോളും വ്യക്തമല്ല.[4] [5][6][7][8][9][10][11]