ലാ ബെല്ല പ്രിൻസിപ്പെസ്സ
ലിയോനാർഡോ ഡാവിഞ്ചി വരച്ചതാണെന്ന് കരുതുന്ന ചിത്രം / From Wikipedia, the free encyclopedia
നിറമുള്ള ചോക്കുകളും മഷികളും ഉപയോഗിച്ച് എഴുതാനുള്ള ഒരു വസ്തുവായ വെല്ലത്തിൽ ചിത്രീകരിച്ച 1490 കളിലെ മിലാനീസിന്റെ ഫാഷനബിൾ വസ്ത്രധാരണത്തിലും ഹെയർസ്റ്റൈലിലുമുള്ള ഒരു യുവതിയുടെ ചായാചിത്രമാണ് ലാ ബെല്ല പ്രിൻസിപ്പെസ്സ (English: "The Beautiful Princess").[1]ഈ ചിത്രം പോർട്രെയ്റ്റ് ഓഫ് ബിയാങ്ക സ്ഫോർസ, യങ് ഗേൾ ഇൻ പ്രൊഫൈൽ ഇൻ റെനെയിസൻസ് ഡ്രെസ്, പോർട്രെയ്റ്റ് ഓഫ് എ യങ് ഫിയാൻസ് എന്നും അറിയപ്പെടുന്നു. ചില പണ്ഡിതന്മാർ ഇത് ലിയോനാർഡോ ഡാവിഞ്ചിയുടെ ചിത്രമാണെന്ന് അനുമാനിക്കുന്നുണ്ടെങ്കിലും ആട്രിബ്യൂഷനും സൃഷ്ടിയുടെ ആധികാരികതയും തർക്കത്തിലാണ്.[2]
La Bella Principessa | |
---|---|
English: The Beautiful Princess | |
കലാകാരൻ | Uncertain. Disputed attribution to Leonardo da Vinci |
വർഷം | 1495-6[upper-alpha 1] |
തരം | Trois crayons (black, red and white chalk), heightened with pen and ink on vellum, laid on oak panel |
Subject | Bianca Sforza[upper-alpha 2] |
അളവുകൾ | 33 cm × 23.9 cm (13 in × 9.4 in) |
Condition | Restored |
ഉടമ | Private collection |
ഇറ്റാലിയൻ നവോത്ഥാന ശൈലി അനുകരിച്ച പത്തൊൻപതാം നൂറ്റാണ്ടിന്റെ ആദ്യകാല ജർമ്മൻ കലാകാരന്റേതാണ് ഈ ചിത്രമെന്ന് ലിയോനാർഡോയുടെ ചിത്രമാണെന്ന് വിയോജിക്കുന്ന ചിലർ വിശ്വസിക്കുന്നു. റേഡിയോകാർബൺ ഡേറ്റിംഗ് പരിശോധനകൾ വെല്ലത്തിന് വളരെ മുമ്പുള്ള തീയതി കാണിക്കുന്നുണ്ടെങ്കിലും ഈ ചിത്രത്തിലെ ഒപ്പ് വ്യാജമാണെന്ന് ആരോപിക്കപ്പെടുന്നു. വെളുത്ത ഈയത്തിന് 225 വർഷമെങ്കിലും പഴക്കമുണ്ട്. 1998-ൽ ലേലത്തിൽ 22,000 ഡോളറിൽ താഴെ വിലയ്ക്ക് വിറ്റ ഈ ചിത്രം അതിന്റെ നിലവിലെ ഉടമ പീറ്റർ സിൽവർമാൻ 2007-ൽ വാങ്ങി. ലിയോനാർഡോയുടെ ആട്രിബ്യൂഷനിൽ അദ്ദേഹത്തിന്റെ പ്രാഗല്ഭ്യം അക്കാദമിക് വിദഗ്ദ്ധരായ മാർട്ടിൻ കെംപിന്റെയും പാസ്കൽ കോട്ടെയുടെയും വിശകലനം പിന്തുണയ്ക്കുന്നു.
2010-ൽ സ്വീഡനിൽ നടന്ന ഒരു എക്സിബിഷനിൽ ഡ്രോയിംഗ് ലിയോനാർഡോയുടേത് ആയി കാണിച്ചിരുന്നു. വിവിധ പത്ര റിപ്പോർട്ടുകൾ പ്രകാരം 160 മില്യൺ ഡോളറിലധികം ഈ ചിത്രത്തിന് വിലമതിച്ചിട്ടുണ്ട്. ലാ ബെല്ല പ്രിൻസിപ്പെസ്സ സ്വിസ് രഹസ്യ സ്ഥലത്ത് ഒരു നിലവറയിൽ സൂക്ഷിച്ചിരിക്കുകയാണ്.[3]