വസുബന്ധു
From Wikipedia, the free encyclopedia
ഗാന്ധാരദേശക്കാരനായിരുന്ന ഒരു ബുദ്ധമതപണ്ഡിതനായിരുന്നു വസുബന്ധു(Vasubandhu Sanskrit; Traditional Chinese: 世親; pinyin: Shìqīn; വൈൽ: dbyig gnyen) (fl. 4- 5 ശതകം). ബൌദ്ധധർമസംഹിതകൾ ഉൾക്കൊള്ളിച്ച് അഭിധർമകോശം രചിച്ചു. മഹായാന ബുദ്ധമതവിശ്വാസിയായതിനുശേഷം തന്റെ അർദ്ധസഹോദരനായിരുന്ന അസംഗാചാര്യനുമൊപ്പം യോഗകാരം സ്ഥാപിച്ച പ്രമുഖരായവരിൽ ഒരാളാണ് അദ്ദേഹം. ടിബെറ്റൻ, പൂർവ്വേഷ്യൻ ബുദ്ധമതക്കാർ അഭിധർമ്മത്തെക്കുറിച്ച് പഠനം നടത്താൻ ഉപയോഗിക്കുന്ന അഭിധർമ്മകോശസംഹിത രചിച്ചത് വസുബന്ധുവാണ്.[1] [2]ഇന്ത്യൻ ബുദ്ധമത തത്ത്വചിന്തകരിൽ അദ്ദേഹത്തിന് പ്രമുഖസ്ഥാനമുണ്ട്.