വിർജിൻ ആന്റ് ചൈൽഡ് വിത്ത് ഫോർ എഞ്ചൽസ്
From Wikipedia, the free encyclopedia
ആദ്യകാല നെതർലാൻഡിഷ് ചിത്രകാരൻ ജെറാർഡ് ഡേവിഡ് 1510 നും 1515 നും ഇടയിലുള്ള കാലഘട്ടത്തിൽ ചിത്രീകരിച്ചതെന്നു കരുതപ്പെടുന്ന ഒരു എണ്ണച്ചായചിത്രമാണ് വിർജിൻ ആന്റ് ചൈൽഡ് വിത്ത് ഫോർ എഞ്ചൽസ് (or Virgin and Child with Angels) വിശുദ്ധ കന്യാമറിയം കുട്ടിയായ യേശുവിനെ എടുത്തിരിക്കുന്നതായി ഇതിൽ ചിത്രീകരിച്ചിരിക്കുന്നു. ചിത്രത്തിൽ കന്യാമറിയത്തിന്റെ ശിരസ്സിനു മുകളിൽ രണ്ട് മാലാഖമാർ സ്വർഗ്ഗരാജ്ഞിയായി കിരീടധാരണം ചെയ്യാനൊരുങ്ങുന്നു. അതിനോടൊപ്പം വിർജിന്റെ ഇരുവശത്തുമായി മറ്റു രണ്ട് മാലാഖമാർ സംഗീതവും നൽകുന്നു. ഡേവിഡിന്റേയും അവസാന കാലഘട്ട ഫ്ലെമിഷ് കലയുടെയും വർണ്ണത്തിന്റെ സമൃദ്ധമായ ഉപയോഗത്തിലും ഈ ചിത്രം മാതൃകയാണ്. യാൻ വാൻ ഐക്കിന്റെ വിർജിൻ വിത്ത് ചൈൽഡ് അറ്റ് എ ഫൗണ്ടൻ, പ്രത്യേകിച്ച് മഡോണയുടെയും കുട്ടിയുടെയും മാതൃകയിൽ ഈ ചിത്രത്തിനെ വളരെയധികം സ്വാധീനിച്ചിട്ടുണ്ട്. എന്നിരുന്നാലും, ഡേവിഡ് നിരവധി അർത്ഥപൂർണ്ണമായ രൂപാന്തരത്തിന് തുടക്കമിട്ടു[1]കൊണ്ട് ചിത്രത്തിനുള്ളിലെ സ്ഥലത്തിന്റെ വീതി കൂട്ടുക, രണ്ട് അധിക മാലാഖമാരെ കൂടി ചിത്രീകരിക്കുക, സമകാലിക പശ്ചാത്തലത്തിൽ രംഗം ക്രമീകരിക്കുക എന്നിവ ബ്രൂഗസിന്റെ വിദൂര കാഴ്ചയോടൊപ്പം ചിത്രീകരിച്ചിരിക്കുന്നു. ബൈസന്റൈൻ കല വൈദികസഭകളെ വാൻ ഐക്കിന്റെ പാനൽ വളരെയധികം സ്വാധീനിച്ചു. മാത്രമല്ല ഇത് നിർദ്ദിഷ്ട ചിത്രങ്ങളുടെ മിശ്രിതവുമായിരിക്കാം. മുമ്പത്തെ ചിത്രങ്ങളിൽ അമ്മയുടെയും കുട്ടിയുടെയും രൂപങ്ങൾ ആരാധനാമൂർത്തികളായി അവതരിപ്പിച്ചിരുന്നു. എന്നിട്ടും നവോത്ഥാനകാലഘട്ടത്തിന്റെ മധ്യത്തിൽ കന്യകയെയും കുട്ടിയെയും മനുഷ്യവൽക്കരിക്കാൻ തുടങ്ങി. ഡേവിഡിന്റെ പാനലിൽ അവർ പൂർണമായും മനുഷ്യരാണ്. വാത്സല്യത്തിൽ ബന്ധിതരായ അമ്മയും മകനും ആണ്.
ഒരു സ്വകാര്യ ശേഖരത്തിലായിരുന്ന ഈ ചിത്രം 1977-ൽ ന്യൂയോർക്കിലെ മെട്രോപൊളിറ്റൻ മ്യൂസിയം ഓഫ് ആർട്ടിലെ ശേഖരത്തിലെത്തി.[2] തൂണുകളിൽ "യേശു വീണ്ടെടുപ്പുകാരൻ" ("IHESVS [RE] DEMPT [OR]") എന്ന വാക്കുകൾ ഉപയോഗിച്ചാണ് ഡേവിഡ് ചിത്രം ആലേഖനം ചെയ്തത്.[3][4]