ഹെല്ലെനിക്കോൺ മെട്രോപൊളിറ്റൻ പാർക്ക് ഏതൻസ്
From Wikipedia, the free encyclopedia
ഗ്രീസിലെ ഏതൻസിൽ സ്ഥിതിചെയ്തിരുന്ന ഹെല്ലെനിക്കോൺ അന്താരാഷ്ട്ര വിമാനത്താവളപ്രദേശത്ത് നിർമ്മിക്കുന്ന ഒരു നഗരവികസന പദ്ധതിയും പാർക്കുമാണ് ഹെല്ലെനിക്കോൺ മെട്രോപൊളിറ്റൻ പാർക്ക് ഏതൻസ്.[1][2]
ആഡംബര ഭവനങ്ങൾ, ഹോട്ടലുകൾ, ഒരു കാസിനോ, ഒരു മറീന, ഷോപ്പുകൾ, ഓഫീസുകൾ തുടങ്ങിയ നഗരവികസന പദ്ധതികളും ഒരു പാർക്കും നിർമ്മിക്കുക എന്നതാണ് ഈ പദ്ധതികൊണ്ട് ഉദ്ദേശിക്കുന്നത്. പദ്ധതി പൂർത്തിയാവുമ്പോൾ ഗ്രീസിലെ ഏറ്റവും ഉയരമുള്ള കെട്ടിടങ്ങൾ ഇവിടെയുണ്ടാവും.[3][4] ഈ പദ്ധതി2008 ൽ നിർമ്മാണം ആരംഭിച്ച് 2013 ഓടെ പൂർത്തീകരിക്കാൻ തീരുമാനിച്ചിരുന്നു.[5] എന്നാൽ സാമ്പത്തിക പ്രതിസന്ധികൾ കാരണം പദ്ധതികൾ നിലച്ചുപോയി. 2020 ജൂലൈയിൽ പാർക്കിന്റെ പണി വീണ്ടും ആരംഭിച്ചു, 2024 ൽ പൂർത്തിയാക്കാൻ ലക്ഷ്യമിടുന്നു.