മഗ്നോളിയേസീ
From Wikipedia, the free encyclopedia
ഏറ്റവും പുരാതനമായ സസ്യകുടുംബങ്ങളിൽ ഒന്നാണ് മഗ്നോളിയേസീ (Magnoliaceae).[2] 7 ജനുസുകളിലായി ഏതാണ്ട് 219 സ്പീഷിസുകൾ ആണ് ഇതിൽ ഉള്ളത്. അതിപുരാതനമായ കുടുംബമായതിനാൽ ഇതിലെ അംഗങ്ങൾ ഐസ് ഏജ്, ഭൂഖണ്ഡചലനം, പർവ്വതങ്ങളുടെ രൂപം കൊള്ളൽ എന്നിവയാലെല്ലാം ഭൂമിയിൽ പലയിടത്തുമായി ചിതറിപ്പെട്ടനിലയിൽ കാണപ്പെടുന്നുണ്ട്. ഇതേ കാരണത്താൽത്തന്നെ ചിലവ തീർത്തും ഒറ്റപ്പെട്ടുകാണപ്പെടുമ്പോൾ മറ്റു ചിലവയാവട്ടെ അടുത്തടുത്ത് തന്നെയും കാണുന്നു. ഉഷ്ണമേഖലാപ്രദേശങ്ങളിലും മലേഷ്യ, ജപ്പാൻ എന്നിവിടങ്ങളിലുമെല്ലാം വ്യാപിച്ചുകിടക്കുന്ന ഈ കുടുംബത്തിലെ മൂന്നിൽ രണ്ടുഭാഗം അംഗങ്ങളും ഏഷ്യയിൽ ആണുള്ളത്. ബാക്കിയുള്ളവ അമേരിക്കകളിലും ബ്രസീലിലും വെസ്റ്റ് ഇൻഡീസിലുമെല്ലാം കാണുന്നു. പുതിയ രീതിയിലുള്ള തന്മാത്രാ പഠനങ്ങൾ പ്രകാരം ഈ കുടുംബത്തിലെ അംഗങ്ങളെപ്പറ്റിയുള്ള കാര്യങ്ങളിൽ പലതിലും ഇപ്പോളും ഗവേഷണങ്ങൾ അതിന്റെ പൂർണ്ണ നിലയിൽ എത്തിയിട്ടില്ല. നാട്ടുവൈദ്യങ്ങളിലും അലങ്കാര ആവശ്യങ്ങൾക്കും ഉപയോഗിക്കുന്നതൊഴിച്ചാൽ കാര്യമായ സാമ്പത്തികപ്രാധാന്യം ഇതിലെ സസ്യങ്ങൾക്കില്ല.
മഗ്നോളിയേസീ | |
---|---|
ചമ്പകത്തിന്റെ പൂവ് | |
ശാസ്ത്രീയ വർഗ്ഗീകരണം | |
കിങ്ഡം: | |
(unranked): | |
(unranked): | Magnoliids |
Order: | |
Family: | Magnoliaceae |
Genera | |
Magnolioideae ഉപകുടുംബം
Liriodendroidae ഉപകുടുംബം
|