വടക്കേ അമേരിക്ക
ഭൂമിയുടെ വടക്ക് പടിഞ്ഞാറ് ഭാഗത്തെ ഒരു ഭൂഖണ്ഡം / From Wikipedia, the free encyclopedia
ഭൂമിയുടെ വടക്ക് പടിഞ്ഞാറ് ഭാഗത്തെ ഒരു ഭൂഖണ്ഡമാണ് വടക്കെ അമേരിക്ക. വടക്ക് ആർട്ടിക്ക് സമുദ്രവും കിഴക്ക് അറ്റ്ലാന്റിക് സമുദ്രവും തെക്കുകിഴക്കു കരീബിയൻ കടലും തെക്കും പടിഞ്ഞാറും ശാന്ത സമുദ്രവുമാണു അതിരുകൾ. പനാമ കടലിടുക്ക് വടക്കേ അമേരിക്കയെ തെക്കു കിഴക്കായി സ്ഥിതിചെയ്യുന്ന തെക്കേ അമേരിക്കയുമായി ബന്ധിപ്പിക്കുന്നു.
വസ്തുതകൾ വിസ്തീർണ്ണം, ജനസംഖ്യ ...
വിസ്തീർണ്ണം | 24,709,000 km2 (9,540,000 sq mi) |
---|---|
ജനസംഖ്യ | 528,720,588 (July 2008 est.) |
ജനസാന്ദ്രത | 22.9/km2 (59.3/sq mi) [1] |
Demonym | North American, American |
രാജ്യങ്ങൾ | 25 (List of countries) |
Dependencies | see List of North American countries |
ഭാഷകൾ | List of languages |
സമയമേഖലകൾ | UTC-10 to UTC |
Internet TLD | North American TLD |
വലിയ നഗരങ്ങൾ | List of cities[2] |
അടയ്ക്കുക
24,490,000 ചതുരശ്ര കിലോമീറ്റർ വിസ്തീർണ്ണമുള്ള ഈ വൻകര (9,450,000 ച.മൈൽ), ഭൗമോപരിതലത്തിന്റെ 4.8%(കരവിസ്തീർണ്ണത്തിന്റെ 16.4%) വ്യാപിച്ചുകിടക്കുന്നു. ഒക്ടോബർ 2006-ലെ കണക്കുപ്രകാരം അവിടത്തെ ജനസംഖ്യ ഏകദേശം 51.5 കോടിയാണ്. വലിപ്പത്തിന്റെ കാര്യത്തിൽ ഏഷ്യ, ആഫ്രിക്ക എന്നിവയ്ക്കു പിന്നിൽ മൂന്നാം സ്ഥാനത്ത് നിൽക്കുന്ന വടക്കേ അമേരിക്ക ജനസംഖ്യയുടെ കാര്യത്തിൽ ഏഷ്യ, ആഫ്രിക്ക, യൂറോപ്പ് എന്നിവയ്ക്കു പിന്നിൽ നാലാം സ്ഥാനത്താണ് .