റയാൻ ഗോസ്ലിങ്ങ്
കനേഡിയൻ നടൻ / From Wikipedia, the free encyclopedia
റയാൻ തോമസ് ഗോസ്ലിങ്ങ് (ജനനം നവംബർ 12, 1980) ഒരു കനേഡിയൻ നടനും സംഗീതജ്ഞനുമാണ്. ഡിസ്നി ചാനലിന്റെ പരിപാടിയായ ദ മിക്കി മൗസ് ക്ലബിൽ (1993-1995) ഒരു ബാലതാരമായിട്ടാണ് ഗോസ്ലിങ്ങ് തന്റെ കരിയർ തുടങ്ങിയത്. തുടർന്ന് അദ്ദേഹം ആർ യു അഫ്രെയ്ഡ് ഓഫ് ദ ഡാർക്ക്? (1995), ഗൂസ്ബംപ്സ് (1996) എന്നീ പരിപാടികളിൽ അഭിനയിച്ചു. 2001 ഇറങ്ങിയ ദ ബിലീവർ ആണ് അദ്ദേഹം അഭിനയിച്ച ആദ്യ ചലച്ചിത്രം. തുടർന്ന് മർഡർ ബൈ നമ്പേർസ് (2002), ദി സ്ലോട്ടർ റൂൾ (2002), ദ യുണൈറ്റഡ് സ്റ്റേറ്റ്സ് ഓഫ് ലെലാന്റ് (2003) തുടങ്ങിയ സ്വതന്ത്ര ചലച്ചിത്രങ്ങളിൽ അഭിനയിച്ചു.
റയാൻ ഗോസ്ലിങ്ങ് | |
---|---|
ജനനം | റയാൻ തോമസ് ഗോസ്ലിങ്ങ് (1980-11-12) നവംബർ 12, 1980 (43 വയസ്സ്) London, Ontario, Canada |
തൊഴിൽ |
|
സജീവ കാലം | 1993–present |
പങ്കാളി(കൾ) | Eva Mendes (2011–present) |
കുട്ടികൾ | 2 |
Musical career | |
വിഭാഗങ്ങൾ |
|
ഉപകരണ(ങ്ങൾ) |
|
വർഷങ്ങളായി സജീവം | 1993–present |
2004-ൽ വാണിജ്യപരമായി വിജയകരമായ റൊമാന്റിക് ചിത്രം നോട്ട്ബുക്കിലൂടെ ഗോസ്ലിങ്ങ് ഏറെ ശ്രദ്ധ നേടി. 2006-ലെ ഹാഫ് നെൽസൺ എന്ന ചിത്രത്തിൽ മയക്കുമരുന്ന അടിമയായ ഒരു അധ്യാപകന്റെ വേഷം അദ്ദേഹത്തിന് മികച്ച നടനുള്ള അക്കാദമി അവാർഡിന് നാമനിർദ്ദേശം ചെയ്യപ്പെട്ടു. 2007 ൽ ലാഴ്സ് ആൻഡ് ദ റിയൽ ഗേൾ എന്ന ചിത്രത്തിലെ പ്രകടനത്തിന് ഗോൾഡൻ ഗ്ലോബ് അവാർഡിന് നാമനിർദ്ദേശം ചെയ്യപ്പെട്ടു. മൂന്നു വർഷത്തെ ഇടവേളയ്ക്ക് ശേഷം, 2010 ൽ ബ്ലൂ വാലന്റൈൻ എന്ന ചിത്രത്തിൽ അഭിനയിച്ചു. ഈ ചിത്രത്തിൽ ഇദ്ദേഹത്തിന് രണ്ടാമത്തെ ഗോൾഡൻ ഗ്ലോബ് അവാർഡ് നാമനിർദ്ദേശം ലഭിച്ചു. 2011 ൽ ക്രേസി സ്റ്റുപിഡ് ലൗ, ദ ഇഡസ് ഓഫ് മാർച്ച്, ഡ്രൈവ് എന്നിങ്ങനെ മൂന്ന് മുഖ്യധാരാ ചിത്രങ്ങളിൽ ഗോസ്ലിങ്ങ് അഭിനയിക്കുകയും രണ്ടു ഗോൾഡൻ ഗ്ലോബ് അവാർഡ് നാമനിർദ്ദേശം കൂടി നേടുകയും ചെയ്തു. 2015 ൽ ദ ബിഗ് ഷോർട്ട്, 2016 ൽ ലാ ലാ ലാൻഡ് എന്നീ നിരൂപക പ്രശംസ നേടിയ ചിത്രങ്ങൾ ഗോസ്ലിങ്ങിന്റെ കരിയറിൽ നേട്ടമായി. ലാ ലാ ലാൻഡിലെ അഭിനയം മികച്ച നടനുള്ള ഗോൾഡൻ ഗ്ലോബ് അവാർഡ് നേടി കൊടുക്കുകയും തന്റെ രണ്ടാമത്തെ അക്കാദമി അവാർഡ് നാമനിർദ്ദേശം നേടുകയും ചെയ്തു.