അതാളത
From Wikipedia, the free encyclopedia
മിനിട്ടിൽ 70 എന്ന സാധാരണതോതിൽ നിന്നും ഭിന്നമായി ഹൃദയസ്പന്ദങ്ങളുണ്ടാകുന്ന അവസ്ഥയാണ് അതാളത (Cardiac dysrhythmia) എന്ന് പറയുന്നത്. ഹൃദയസ്പന്ദങ്ങളുടെ പ്രഭവസ്ഥാനമായ സിനു-ഓറിക്കുലാർ നോഡിൽ നിന്നും 70-ഉം ഓറിക്കിളും വെൻട്രിക്കിളും സംയോജിക്കുന്നിടത്തു നിന്ന് 60-ഉം വെൻട്രിക്കിളിൽനിന്ന് 40-ഉം വീതമാണ് ഇടിപ്പ് ഉണ്ടാകുന്നതെങ്കിലും സിനു-ഓറിക്കുലാർ നോഡ് മറ്റു രണ്ടിനങ്ങളെയും അതിക്രമിക്കുന്നതിനാലാണ് മിനിട്ടിൽ 70 സ്പന്ദങ്ങൾ ഉണ്ടാകുന്നത്. ചേതനാ - അനുചേതനാ നാഡീവ്യൂഹങ്ങൾ ഹൃദയമിടിപ്പിനെ സന്തുലിതാവസ്ഥയിൽ നിലനിർത്താൻ സഹായിക്കുന്നു. ഈ പദ്ധതിയിലെ ക്രമക്കേടാണ് അതാളത.