ഏഷ്യൻ ഗെയിംസ്
From Wikipedia, the free encyclopedia
ഏഷ്യൻ ഗെയിംസ് അഥവാ ഏഷ്യാഡ് ഏഷ്യയിലെ രാജ്യങ്ങൾക്കായി നാലുവർഷത്തിലൊരിക്കൽ അരങ്ങേറുന്ന കായിക മാമാങ്കമാണ്. ഇന്റർനാഷണൽ ഒളിമ്പിക്സ് കമ്മിറ്റി(ഐ.ഒ.സി.)യുടെ ഭാഗമായ ഒളിമ്പിക്സ് കൌൺസിൽ ഓഫ് ഏഷ്യ(ഒ.സി.എ.)യാണ് ഏഷ്യൻ ഗെയിംസ് സംഘടിപ്പിക്കുന്നത്. ഒളിമ്പിക്സിലേപ്പോലെതന്നെ ഓരോ ഇനത്തിലെയും ഒന്നാംസ്ഥാനക്കാർക്ക് സ്വർണ്ണമെഡലും രണ്ടാം സ്ഥാനക്കാർക്ക് വെള്ളിമെഡലും മൂന്നാം സ്ഥാനക്കാർക്ക് വെങ്കല മെഡലും നൽകുന്നു.
Motto | Ever Onward |
---|---|
First Event | 1951 Asian Games in New Delhi, India |
Occur every | four years |
Last Event | 2018 Asian Games in Jakarta and Palembang Indonesia |
Purpose | Multi sport event for nations on the Asian continent |
Website | Olympic Council of Asia |
ഏതെങ്കിലും ഏഷ്യൻ രാജ്യത്തിന്റെ ഒളിമ്പിക് കമ്മിറ്റിയെ പ്രതിനിധീകരിച്ചാണ് കായിക താരങ്ങൾ ഈ മേളയിൽ പങ്കെടുക്കുന്നത്. മെഡൽ വിതരണം ചെയ്യുമ്പോൾ താരങ്ങൾ പ്രതിനിധീകരിക്കുന്ന രാജ്യത്തിന്റെ പതാക പ്രദർശിപ്പിച്ച് ദേശീയ ഗാനം ആലപിക്കുന്ന പതിവുണ്ട്. രാജ്യാന്തര തലത്തിൽ അംഗീകരിക്കപ്പെട്ട രാഷ്ട്രങ്ങൾക്കു മാത്രമേ ഏഷ്യൻ ഗെയിംസിൽ പങ്കെടുക്കാനാവൂ. എന്നിരുന്നാലും ചില ഇളവുകൾ അനുവദിക്കാറുണ്ട്. തായ്വാന്റെ അംഗീകാരത്തെക്കുറിച്ചു തർക്കമുള്ളതിനാൽ ചൈനീസ് തായ്പേയ് എന്ന പേരിലാണ് അവരെ പങ്കെടുപ്പിക്കുന്നത്. 2006 നവംബർ 21 മുതൽ ഡിസംബർ 15 വരെ ഖത്തറിലെ ദോഹയിൽ അരങ്ങേറിയ പതിനഞ്ചാമത് ഏഷ്യൻ ഗെയിംസാണ് ഈ കായികമേളയുടെ ഏറ്റവും ഒടുവിലത്തെ പതിപ്പ്.