Ésquilo
From Wikipedia, the free encyclopedia
Ésquilo (an griego: Αἰσχύλος, trasl. Aiskhýlos; Eléusis, c. 525/524 a.C. - Gela, 456/455 a.C.) fui un dramaturgo de la Grécia Antiga. Ye reconhecido frequentemente cumo l pai de la tragédia, i ye l mais antigo de ls trés trágicos griegos cujas peças inda eisisten (ls outros son Sófocles i Eurípedes). D'acuordo cun Aristóteles, Ésquilo oumentou l númaro de personaiges ousados nas peças para permitir cunflitos antre eilhes; antes, ls personaiges anteragian solo cul coro. Solo siete dun total stimado de setenta la nobenta peças feitas pul outor subrebibírun a la modernidade; ua destas, Prometiu Acorrentado, ye tenida hoije an die cumo sendo d'outoria dun outor posterior.
Pul menos ua de las obras de Ésquilo fui anfluenciada pula ambason persa de la Grécia, ocorrida durante sue bida. Sue peça Ls Persas cuntina sendo ua grande fuonte d'anformaçon subre este período de la stória griega. La guerra tubo tamanha amportança pa ls griegos i pa l própio Ésquilo que, na ocasion de sue muorte, por buolta de 456 a.C., sou eipitáfio celebraba sue participaçon na bitória griega an Maratona, i nun sou sucesso cumo dramaturgo.
Subre sue muorte, reza la lenda que, al bejitar Gela, na ilha de Sicília, un Cuorbo-barbudo, tamien coincido por quebra-uossos, cunfundindo sue careca cun un uobo, deixou caer un uosso an sue cabeça matando-lo (l Cuorbo-barbudo ye coincido por jogar uossos arriba d'uobos para quebrá-los).