Jeobá
From Wikipedia, the free encyclopedia
Modelo:DiusL Tetragrama YHVH (יהוה), diç-se al nome de l Dius de Eisrael an forma scrita yá trasliterada i, pus, lhatenizada, cumo d'uso corriente na maiorie de las culturas atuales.
Oureginariamente, an aramaico i heibraico, era scrito i lhido hourizontalmente, de la dreita para squierda יהוה; ó seia, HVHY. Formado por quatro cunsuantes heibraicas — Yud י Héi ה Bab ו Héi ה ó יהוה, l Tetragrama YHVH ten sido lhatenizado para JHVH yá por muitos seclos.
Las lhetras de la dreita para squierda segundo l alfabeto heibraico son:
Heibraico | Pernúncia | Lhetra |
---|---|---|
י | Yodh ó Yud | "Y" |
ה | Hei ó Héi | "H" |
ו | Waw ó Bab | "B" |
ה | Hei ó Héi | "H" |
L tetragrama aparece mais de 6.800 bezes — solico ó an cunjunçon cun outro "nome" — ne l testo heibraico de l Antigo Testamiento, a andicar, pus, tratar-se de nome mui coincido i que çpensaba la persença de senhales bocálicos auxeliares (las bogales antercalares).
Ls nomes YaHBeH (bertido an mirandés para Jabé), ó YeHoBaH (bertido an mirandés para Jeobá), son trasliteraçones possibles, mas alguns eiruditos perfíren l'uso mais primetibo de l nome de las quatro cunsuantes YHVH, yá outros eiruditos faborécen l nome Jabé (Yahbéh ó JaHWeH). Inda alguns destes studiosos cuncórdan que la pernúncia Jeobá (YeHoBaH ó JeHoBáH), seia correta, sendo esta redadeira, la pernúncia mais popular de l Nome de Dius an bários lhénguas.