တိုကျို မျှော်စင်
ဂျပန်နိုင်ငံ၊ တိုကျိုမြို့ရှိ ဆက်သွယ်ရေးနှင့် လေ့လာရေးမျှော်စင် / From Wikipedia, the free encyclopedia
တိုကျို မျှော်စင် (東京タワー, တိုကျို တာဝါ?, တရားဝင် အမည်မှာ 日本電波塔 Nippon denpatō "ဂျပန် ရေဒီယို မျှော်စင်") သည် ဂျပန်နိုင်ငံ၊ တိုကျိုမြို့၊ Minato ခရိုင်ရှိ Shiba-koen တွင်တည်ရှိသော ဆက်သွယ်ရေးနှင့် လေ့လာမှုဆိုင်ရာ မျှော်စင်ဖြစ်သည်။ အမြင့် ၁၀၉၂ (၃၂၂.၉ မီတာ) ပေရှိပြီး ဂျပန်နိုင်ငံ၏ ဒုတိယ အမြင့်ဆုံး ဖွဲ့စည်းတည်ဆောက်ပုံဖြစ်သည်။ အဆောက်အဦးသည် အီဖယ်လ် မျှော်စင်ကို မှီငြမ်းထားပြီး လေကြောင်းဘေးကင်းလုံခြုံရေး စည်းမျဉ်းများနှင့် ကိုက်ညီစေရန် အဖြူနှင့် လိမ္မော်ရောင်ကိုဆေးခြယ်ထားသည်။
တိုကျို မျှော်စင် | |
---|---|
東京タワー | |
၂၀၁၁ ခုနှစ်တွင် တွေ့မြင်ရသည့် တိုကျို မျှော်စင် | |
အထွေထွေ အချက်အလက်များ | |
အခြေအနေ | Completed |
အမျိုးအစား | ဆက်သွယ်ရေး မျှော်စင် လေ့လာရေး မျှော်စင် |
တည်နေရာ | 4-2-8 Shiba-koen, Minato, Tokyo 105-0011 |
ကိုဩဒိနိတ် | 35°39′31″N 139°44′44″E |
တည်ဆောက်မှု စတင် | ဇွန်၊ ၁၉၅၇ |
ပြီးစီး | ၁၉၅၈ |
ဖွင့်လှစ် | ၂၃၊ ဒီဇင်ဘာ၊ ၁၉၅၈ |
ကုန်ကျငွေ | ¥2.8 billion (US$8.4 million in 1958) |
ပိုင်ဆိုင်သူ | The Tokyo Tower Company (controlling shareholder: Toei Company and Mother Farm) |
အမြင့် | |
ဗိသုကာပုံစံ | ၃၃၃ m (၁,၀၉၃ ft) |
ကောင်းကင်တိုင် ခေါင်ချွန်း | ၃၃၂.၉ m (၁,၀၉၂ ft)[1] |
အပေါ်ဆုံးအထပ် | ၂၄၉.၆ m (၈၁၉ ft) |
Observatory | ၂၄၉.၆ m (၈၁၉ ft) |
အသေးစိတ် အချက်အလက်များ | |
အထပ် အရေအတွက် | ၁၆+ |
ဓာတ်လှေကား | ၄ |
ဒီဇိုင်းနှင့် တည်ဆောက်မှု | |
ဗိသုကာပညာရှင် | Tachū Naitō[2] |
အဆောက်အအုံ အင်ဂျင်နီယာ | Nikken Sekkei |
အဓိက ကန်ထရိုက်တာ | Takenaka Corporation[2] |
ခရီးသွားလုပ်ငန်းနှင့် အင်တင်နာငှားရမ်းခြင်းမှာ ၁၉၅၈ ခုနှစ်တွင် တည်ဆောက်ခဲ့သည့် မျှော်စင်၏ အဓိကဝင်ငွေဖြစ်သည်။ မျှော်စင်သို့ လူဦးရေ သန်း ၁၅၀ကျော် လည်ပတ်ခဲ့ကြပြီးဖြစ်သည်။ စားသောက်ဆိုင်နှင့် ဈေးဆိုင်များ ပါရှိသည့် လေးထပ် အဆောက်အဦသည် မျှော်စင်၏ အောက်တည့်တည့်တွင်ရှိသည်။ လေ့လာရေး ကုန်းပတ်နှစ်ခုသို့ FootTownမှ ထွက်ခွာကာ လည်ပတ်နိုင်သည်။ အမြင့် ပေ လေးရာ့ကိုးဆယ် (မီတာ ၁၅၀) တွင် အထပ်နှစ်ထပ်ပါသော ပင်မကုန်းပတ် (ယခင်က ပင်မလေ့လာရေးဟုလူသိများ) ရှိပြီး၊ သေးငယ်သော Top Deck (ယခင် "အထူးစောင့်ကြည့်လေ့လာရေး" ဟုလူသိများ) သည် အမြင့် ၈၁၉ ပေ (၂၄၉.၆ မီတာ ) တွင်ရှိသည်။ ၂၀၁၈ ခုနှစ်တွင် Top Deckကို ပြုပြင်မွမ်းမံပြီးနောက် အမည်များကို ပြောင်းလဲခဲ့သည်။[3]
မျှော်စင်သည် အင်တင်နာအတွက် အထောက်အကူပြု ဖွဲ့စည်းပုံတစ်ခုဖြစ်သည်။ ၁၉၆၁ ခုနှစ် တွင် ရုပ်မြင်သံကြား ထုတ်လွှင့်ရန် ရည်ရွယ်ထားသည့် ရေဒီယိုအင်တင်နာများကို တပ်ဆင်ခဲ့သည်။ ယခုအခါ မျှော်စင်သည် ဂျပန်မီဒီယာများဖြစ်သော NHK၊ TBS နှင့် Fuji TV များအတွက် ရုပ်သံထုတ်လွှင့်ပေးနေသည်။ ၂၀၁၁ ခုနှစ်၊ ဇူလိုင်လတွင် ဂျပန်နိုင်ငံ၏စီစဉ်ထားသည့် ဒီဂျစ်တယ်ရုပ်မြင်သံကြား အသွင်ကူးပြောင်းမှုသည် ပြဿနာရှိနေသည်။ ဒေသသို့ ပြီးပြည့်စုံသော ဒစ်ဂျစ်တယ် ရုပ်သံထုတ်လွှင့်ရန် တိုကျိုမျှော်စင်၏ အမြင့်သည် လုံလောက်ခြင်းမရှိပါ။ ၂၀၁၂ ခုနှစ်၊ ဖေဖော်ဝါရီလ ၂၉ ရက်နေ့တွင် တိုကျို Skytree ဟုလူသိများသော ပိုမိုမြင့်မားသည့် ဒစ်ဂျစ်တယ် ရုပ်သံလွှင့်မျှော်စင်ကို တည်ဆောက်ပြီးစီးခဲ့သည်။ တိုကျို မျှော်စင်ကို ငါးနှစ်လျှင် တစ်ကြိမ်ပြန်လည် ဆေးသုတ်သည်။ ၎င်းကို ဆေးသုတ်ရာတွင် တစ်နှစ်ကြာသည်။
၁၉၅၈ ခုနှစ်တွင် ဆောက်လုပ်ပြီးစီးသည့် တိုကျိုမျှော်စင်သည် မြို့၏ ထင်ရှားသော မှတ်တိုင်တစ်ခုဖြစ်လာပြီး တိုကျိုရှိ မီဒီယာများတွင် မကြာခဏဖော်ပြခြင်းခံရသည်။