ရခိုင်ယူနိုက်တက် ဘောလုံးအသင်း
ရခိုင်ပြည်နယ်ကိုယ်စားပြု မြန်မာဘောလုံးကလပ်အသင်း / From Wikipedia, the free encyclopedia
ရခိုင်ယူနိုက်တက် ဘောလုံးအသင်းသည် ပရော်ဖက်ရှင်နယ် ဘောလုံးအသင်းတစ်သင်း ဖြစ်ပြီး ရခိုင်ပြည်နယ်တွင် အခြေပြု တည်ထောင်ခဲ့သည်။ ၂၀၀၉ ခုနှစ် မြန်မာနေရှင်နယ်လိဂ်စတင်စဉ် ရခိုင်ယူနိုက်တက် ဘောလုံးအသင်း အမည်ဖြင့် ပြိုင်ပွဲဝင်ခဲ့ပြီး ၂၀၁၀ ခုနှစ် ဒီဇင်ဘာလတွင် ရက္ခပူရ ယူနိုက်တက် ဘောလုံးအသင်းဟူ၍ အမည်ပြောင်းလဲခဲ့သည်။ အိမ်ကွင်းအဖြစ် စစ်တွေမြို့နယ်ရှိ ဝေသာလီ အားကစားကွင်းကို အသုံးပြုခဲ့သည်။ လက်ရှိတွင် သုဝဏ္ဏ အားကစားကွင်းအား အိမ်ကွင်းအဖြစ် အသုံးပြုလျက်ရှိသည်။ ယခင်နှစ် ဘောလုံးရာသီတွင် ရက္ခပူရ ယူနိုက်တက်သည် ဒဿမနေရာတွင် တည်ရှိခဲ့သည်။ ရက္ခပူရ ယူနိုက်တက်အသင်းသည် ရတနာပုံအသင်းနှင့်ပွဲစဉ်တွင် သရေကျအောင် ကစားနိုင်ခဲ့သည်။ ထိုစဉ်က ရတနာပုံအသင်းသည် မြန်မာနေရှင်နယ်လိဂ်၏ ချန်ပီယံဖြစ်နေခဲ့သည်။ ထိုပွဲစဉ်သည် မြန်မာနေရှင်နယ်လိဂ်၏ ပရော်ဖက်ရှင်နယ် အကျဆုံး ပွဲစဉ်အဖြစ် ပြောစမှတ်ပြုခဲ့သည်။[1] ၂၀၁၂ ခုနှစ် ဒီဇင်ဘာတွင် ကလပ်အသင်းသည် မူလနာမည်ဖြစ်သော ရခိုင်ယူနိုက်တက် ဘောလုံးအသင်းဟုသော အမည်သို့ ပြန်ပြောင်းခဲ့သည်။
အသင်းအမည် | ရခိုင်ယူနိုက်တက် ဘောလုံးအသင်း |
---|---|
အခြားအမည် | The Arakan Warriors |
တည်ထောင်နှစ် | ၂၀၁၀ |
အိမ်ကွင်း | ဝေသာလီ အားကစားကွင်း (လူဝင်ဆံ့မှု: ၅၀၀၀) |
မန်နေဂျာ | ဦးအောင်ဇော်မျိုး |
ကစားသည့်လိဂ် | MNL |
၂၀၁၅ | ၁၀ |
လက်ရှိ ရာသီ |