အာရှတိုက်ရှိ အချုပ်အခြာအာဏာပိုင်နိုင်ငံများနှင့် အမှီအခိုနယ်မြေများ စာရင်း
စာရင်းနှင့်ဆိုင်သော ဝီကီပီးဒီးယားဆောင်းပါး / From Wikipedia, the free encyclopedia
ဤသည်မှာ အာရှတိုက်ရှိ အချုပ်အခြာအာဏာပိုင်နိုင်ငံများနှင့် အမှီအခိုနယ်မြေများ စာရင်းဖြစ်သည်။ ဤစာရင်းတွင် အပြည်အဝအသိအမှတ်ပြုထားသော နိုင်ငံများ၊ အကန့်အသတ်ဖြင့်သာ အသိအမှတ်ပြုထားသော နိုင်ငံများ၊ အာရှနှင့် အာရှမဟုတ်သော အမှီအခိုနယ်မြေများ ပါဝင်သည်။ ဤစာရင်း၌ အသိအမှတ်ပြုအချုပ်အခြာအာဏာပိုင်နိုင်ငံ ၄၉ နိုင်ငံ(အားလုံးမှာ ကုလသမဂ္ဂအဖွဲ့ဝင်နိုင်ငံများဖြစ်)၊ အကန့်အသတ်ရှိသောလည်း တောင့်တင်းခိုင်မာသော၊ အပြည်ပြည်ဆိုင်ရာ အသိအမှတ်ပြုမှုရှိသော de-facto နိုင်ငံ ၂ နိုင်ငံ(ဤအထဲမှ တစ်နိုင်ငံသည် ကုလသမဂ္ဂ၏ လေ့လာသူနိုင်ငံဖြစ်)၊ အကြီးအကျယ်အသိအမှတ်ပြုမှုမရှိသည့် de-facto နိုင်ငံ ၄ နိုင်ငံနှင့် အမှီအခိုနယ်မြေ ၆ ခုနှင့် အခြားသော နယ်မြေများအား စာရင်းပြုစုထားခြင်းဖြစ်သည်။
ဤနေရာ၌ အသိအမှတ်ပြု အချုပ်အခြာအာဏာပိုင်နိုင်ငံ ၄၉ နိုင်ငံထဲမှ နိုင်ငံနှစ်နိုင်ငံသည် ဥရောပနှင့် အာဖရိကနိုင်ငံများအဖြစ် ခွဲခြားသတ်မှတ်ထားသော်လည်း ထိုနိုင်ငံများ၏ ပိုင်နက်အစိတ်အပိုင်းများသည် အာရှထဲတွင် တည်ရှိ၍နေသည်။ ရုရှားနိုင်ငံ၏ ဧရိယာအများစုသည် အာရှတိုက်ထဲတွင် ရှိသော်ငြားလည်း မြို့တော် မော်စကိုနှင့် ဥရောပဘက်ခြမ်းရှိ များပြားသော လူဦးရေအရ ဥရောပနိုင်ငံတစ်ခုအဖြစ် ခွဲခြားသတ်မှတ်ထားသည်။ အီဂျစ်နိုင်ငံ၏ အာဖရိကတိုက်ရှိ ပထဝီဝင်ဧရိယာနှင့် လူဦးရေအရ အာဖရိနိုင်ငံအဖြစ် သတ်မှတ်ထားသော်ငြား အီဂျစ်သည် ဆိုင်းနိုင်းကျွန်းဆွယ်မှာတဆင့် အာရှတိုက်အတွင်းသို့ တိုးဝင်တည်ရှိနေသည်။