Wikipedia
From Wikipedia, the free encyclopedia
Wikipedia (IPA: /ˌwikiˈpiːdi.ə/, /wɪkiˈpiːdi.ə/, o /ˌˌwaɪkiˈpiːdi.ə/) è na nnciclopedia on-line libbera, mutlilengua, cu contenuto libbero, criata in modo cullaborativo â vuluntarie e sostenuta d'a Wikimedia Foundation, n'organizzazione senza scopo 'e lucro e mo' è stata pubblicata int'a 250 lengue diverze (sulo 180 so' attive e chella 'ngrese è 'a cchiù sviluppata) e cuntene piezze d'enciclopedie tradiziunale, 'e ll' almanacche, d'e dizionari geografici e d'attualità. 'O scopo è 'e crià e distribbuì na nciclopedia internazionale libbera int'a quanta chiù lengue possibbile. Wikipedia è ggià uno d'e site cchiù popolare d'o webb e tene cu cchiù 'e 60 miliune d'accesse ogne ghiuorno. 'A particularità è ca tuttu quante teneno 'a possibilità 'e scrivere e da' gratuitamente informazioni a chilli ca teneno voglia e tiempo d' 'e lleggere.
Fotografia d''o portal multilengue | |
URL | http://www.wikipedia.org/ |
---|---|
Commerciale? | no |
Tipo 'e sito | nciclopedia on-line |
Registrazzione | si 'a vuò fà |
Lengua | 299 edizziune attive (309 tutte ccose) |
'O masto | Wikimedia Foundation |
Criato 'a | Jimmy Wales, Larry Sanger |
'O nommo 'e Wikipedia vene d''a parola wiki ('nu tipo 'e sito webb collabborativo) e da enciclopedía. 'E server cchiù gruosse stanno a Tampa, â Florida, mentre ati server se' ponno truà a Amsterdam e a Seoul. 'A Wikipedia ngrese s'ingignò 'o 15 'e gennaio d''o 2001 comme derivazione 'e Nupedia, na nciclopedia fatta sulo râ esperte ca mo' nun è cchiù attiva. Mò 'o pruggietto vene purtato annanzo d''a Wikimedia Foundation, n'organizzazione senza scopo 'e lucro ca fui criata â Jimmy Wales, 'o co-fondatore 'e Wikipedia.
Wikipedia tene approsimativamente sette miliune d'articuli 'int'a 251 lengue. E' crisciuta assaje â quanno è stata criata e ogge è un d' 'e vinte site webb cchiù visitate d''o munno. Pe' vvia d''a natura aperta, nce so' sempe state critiche e dubbie si ll'enciclopedia è credibbile o no. 'O sito è stato criticato pure pecchè è suggietto d''e vandalismi, o puro pecchè pô tenè articuli scadenti o incunsistenti. Però cierti studi ca so' state fatte hanno fatto vede' ca 'sti vandalismi so' quase sempe 'e vita bbreve e ca Wikipedia è robba bbona proprio comm'e ll' ati nciclopedie.