Skemer
From Wikipedia, the free encyclopedia
Skemer (ok wa: deemster, skemerige, moarn-/oawnddoester, tweeduuster, tweedonker of tweelicht) is nen toostaand woarbiej d'r nen oawergang van lich noar doester öf van doester noar lich ploatsvönd. Dit kömp veur biej deemster (moarngloorn) en zönnesönnergang (valoawnd). Tiedns skemer is n himmel mangs wa verlicht, moar is de zönne önner de horizönne.
Der bint verskillende gröade van n skemer:
- n burgerlikken skemer a't mirrepeunt van de zönne minner as 6° önner de horizönne zett.
- n zeavoartkönnigen/nautiezen skemer a't mirrepeunt van de zönne 6° töt 12° önner de horizönne zett.
- n astronomiezen skemer a't mirrepeunt van de zönne 12° töt 18° önner de horizönne zett.
Doardeur is der öp n zekker moment ginne verstreujige van t zönnelich mear te zeen. In de zömmer steet de zönne öp breadten van mear as önnevear 48°N in n noch zo dich önner de horizönne det n astronomiezen oawndskemer dreks oawergeet in n deemster en t nich ech doester wör. Dit kömp deurdet de zönne dan minner as 18° önner de horizönne steet. Nautiese skemers brengt mangs in junie en julie lichtende nachwölke met zich met.