मिक्ल्युर जलसन्धि
From Wikipedia, the free encyclopedia
मिक्ल्युर जलसन्धि क्यानादाया नर्थवेस्त तेरितरीया सिथय् दूगु छगू जलसन्धि ख। थ्व जलसन्धिं प्यारी च्यानलया उत्तरपश्चिमी भाग दयेकी। पूर्वय् बाफिन खाडीतक थ्यंगू थ्व जलसन्धि नर्थवेस्त प्यासेजया छगू सम्भाव्य मार्ग ख। बेलायतया शाही जलसेनाय् ज्या यानादीम्ह आइरिश आर्कटिक अन्वेषक रोबर्ट म्याकक्लुरया नामं थ्व जलसन्धिया नां छूगु ख। वय्कः उत्तरपश्चिमया प्यासेज चिलेम्ह न्हापांम्ह मनू ख ।
थ्व जलसन्धिं पश्चिमय् बोफोर्ट सागर व पूर्वया भिस्काउन्द मेल्भिल साउन्दयात स्वाइ। थुकिया उत्तरय् प्रिन्स प्याट्रिक द्वीप, इग्लिंटन द्विप व मेलभिल द्विप ला धाःसा दक्षिणय् ब्याङ्कस् द्वीप ला। थ्व जलसन्धि अधिकांश इलय् ख्वातूगु बरफं अवरुद्ध जु, आपाः इलय् थ्व जलसन्धिं लःखः वने मछिं; सन् १९६८स संरा अमेरिकाय् रेजिस्तर जूगु त्याङ्करS.S म्यानह्यातनयात क्यानेदियन आइसब्रेकसरतेसं बरफं लिकाना क्यानेदियन भूभागं पश्चिम पाखे यंकूगु इतिहास दु। बरफं म्यानह्यातनयात मिक्लुर जलसन्धि पुले पंगुलिं थ्व लःखः प्रिन्स अफ वेल्स जलसन्धिं यात्रा यात। क्यानादा व संयुक्त राज्य अमेरिकाया दथुइ आर्कटिक द्वीप पुचलय् [convert: %s]%s माइल (19 किमी) तक समुद्री तट त्वता मेगु भूभागय् सीमा विवाद जुयाच्वंगु दु।[1]
मिक्लुर जलसन्धि अगस्त २००७या शुरुवातय् व हानं अगस्त २००८य् च्वापु नाया पूवंकः चाल। युरोपियन स्पेस एजेन्सीं रिपोर्ट याःगु दु कि आर्कटिकया उत्तरपश्चिम खण्डय् पूर्णतया समुद्र बरफ मुक्त जूसें युरोप व एशिया दथुइ ऐतिहासिक रूपं पुले मछिंगु लं पुलेछिन।[2]