Maureen Tucker
amerikansk songar og musikar / From Wikipedia, the free encyclopedia
Maureen Ann «Moe» Tucker (fødd 26. august 1944)[1] er ein USA-amerikansk musikar og songar som var trommeslagaren for det New York City-baserte rockebandet The Velvet Underground.
Maureen Tucker | |||
Moe Tucker kring 1966 | |||
Fødd | 26. august 1944 (79 år) | ||
---|---|---|---|
Fødestad | Jackson Heights i Queens i New York City i USA | ||
Fødenamn | Maureen Ann Tucker | ||
Alias | Moe Tucker | ||
Opphav | USA | ||
Aktiv | 1963 til kring 2007; 2017 | ||
Sjanger | |||
Instrument |
| ||
Tilknytte artistar |
| ||
Verka som | Trommeslagar, musikar, songar-låtskrivar, songar | ||
Gift med | Steve Mikulka | ||
Born | Kerry Mikulka, Keith Mikulka, Austen Mikulka, Kate Mikulka, Richard Mikulka |
Tucker hadde ein uvanleg spelestil og stod ofte oppreist og spelte trommer i staden for å sitje,[2] og brukte eit forenkla trommesett med tam-tam-ar, ei skarpetromme og ei oppovervendt basstromme, og spelte med klubber i staden for trommestikker.[1] Ho brukte sjeldan cymbalar.[2] Rockekritikaren Robert Christgau sa om Tucker, «Mo var ein flott trommeslagar på ein minimalistisk, avgrensa og autodidakt måte som eg trur endra musikkhistoria. Ho er der punkmåten å spele trommer på byrja.»[3]
Utanom å spele trommer song Tucker solovokal på tre Velvet Underground-songar: «After Hours» og «The Murder Mystery» på The Velvet Underground i 1969 og «I'm Sticking with You», som vart spelt inn i 1969, men som først kom ut i 1985 på VU. Tucker slutta i gruppa ei stund då ho vart gravid med det første barnet sitt, Kerry «Trucker» Tucker, tidleg i 1970. Ho spelte berre sporadisk etter at Velvet Underground gav seg, men vart meir aktiv i 1990-åra då ho mellom anna gav ut soloalbum.