Måløy
From Wikipedia, the free encyclopedia
Måløy er ein by, stoppestad for Hurtigruta, og administrasjonssenter i Kinn kommune i Vestland fylke.
Måløy | |||
stad | |||
Land | Noreg | ||
---|---|---|---|
Fylke | Vestland | ||
Kommune | Kinn | ||
Areal | 2,21 km² | ||
Folketal | 3 291 (2023) | ||
Folketettleik | 1 489 / km² | ||
Postnummer | 6700 MÅLØY | ||
Innbyggjarnamn | Måløyværing | ||
Preposisjon | i Måløy | ||
Måløy 61.933333333333°N 5.1166666666667°E / 61.933333333333; 5.1166666666667 | |||
Wikimedia Commons: Måløy | |||
Han var òg administrasjonssenter for tidlegare Vågsøy kommune i Sogn og Fjordane fylke. Vågsøy kommune vedtok å gi Måløy bystatus i 1997.
Måløy av i dag er sjølv ikkje ei øy. Byen vart grunnlagt på den vesle Måløyna (før skrive Moldøen, i dag kjend som Lisje-Måløyna) i Ulvesundet mellom Vågsøy og fastlandet. Etter kvart som ny busetnad kom til, vart denne etablert på Vågsøy. Når tettstaden flytta seg, følgde òg namnet med. Den gamle busetnaden på Moldøen vart for det meste riven av den tyske okkupasjonsmakta for å gje plass til eit stort forsvarsverk, og dei siste restane brann ned under Måløy-raidet.
I dag er òg dei tettbygde områda på fastlandet aust for Ulvesundet samanvaksne og ein del av byen.