Reklame
From Wikipedia, the free encyclopedia
Reklame kjem av det latinske ordet reclamare, som tyder å ropa høgt. Ein definisjon som vert brukt på reklame, er: «Ein bodskap med identifiserbar sendar, på ein betalt plass i eit massemedium, som har som føremål å oppnå ein økonomisk transaksjon».
Bodskapen kan ha form som ein annonse i ei avis, som ein «spot» på TV eller i radio, som ein brosjyre eller ei reklameavis som vert levert i postkassa, eller som eit skilt eller ein plakat på ein offentleg stad. Bodskapen er masseprodusert og blir distribuert i ei standardisert form til alle mottakarane gjennom den aktuelle mediekanalen.