Canon Reiau de Turin
From Wikipedia, the free encyclopedia
Lo Canon Reiau de Turin qu'ei un papir egipcian de purmèra importància puish que, datat haut o baish deu temps deu faraon Ramsès II, que contien los noms deus reis qui gavidèn l'Egipte antica despuish los noms deus dius qui serèn estats faraons dinc aus noms deus reis Icsòs. Que ho descobert a Tebas en bon estat en 1822 per l'egiptològ Bernardino Drovetti. Totun, arriba au Musèu Egiptologic de Turin, qu'èra mirgalhat en 160 tròç. L'egiptològ occitan Joan Francés Champolion que l'estudiè en lo bèth tornar hicat mantun tròç (a maugrat qui quauques horats i demorèn dinc au dia de uei). En mei de la succession deus reis, aqueth document que balha indicas suber la durada deus lors regnats.