Cerbèr
From Wikipedia, the free encyclopedia
Cerbèr (en grèc ancian Κέρϐερος Kérberos) es dins la mitologia grèga un can mostruós de tres caps (50 segon Esiòde, 100 en cò d'Oraci) que representan passat, present e futur o segon d'autras fonts: naissença, joventut e vielhum. Son ròtle èra de gardar las pòrtas de l'infèrn, plantat en riba de l'Estitge (un dels flumes del reialme d'Adès) e deviá empachar los mòrts de ne sortir e los èssers vius d'i dintrar. D'un aspècte colossal, aviá lo còl espelofit de sèrps e las mordidas de sas dents terriblas èran verinosas.