Muse
From Wikipedia, the free encyclopedia
Muse, prononciat en anglés [mjuːz], es un grop de ròck britanic, originari de Teignmouth dins Devon en Anglatèrra. Fondat en 1994, a per nuclèu lo trio compausat de Matthew Bellamy (cant, guitarra, piano), Christopher Wolstenholme (bassa, armonica, cant, còrs) e Dominic Howard (batariá, percussions). An començat d'aver una reputacion en defòra de lor país d'origina lo Reialme Unit a partir de 2001, puèi son venguts a partir de 2006 l'un dels grop màgers de la scèna ròck mondiala en seguida de la capitada colossala de lors quatren e cinquen albums, Black Holes and Revelations (2006) e The Resistance (2009), que contenon los tubes Supermassive Black Hole (tròç que figura tanben sus la benda sonòra del filme american de 2009 Calabrun), Starlight, Uprising e Undisclosed Desires.