Ravi Shankar
From Wikipedia, the free encyclopedia
Ravi Shankar (en bengalí: রবি শঙ্কর Robi Shôngkor, e en indi: रवि शंकर) (Varanasi, Uttar Pradesh, 7 d'abril de 1920- San Diego, Estats Units, 11 de decembre de 2012) foguèt un musician e compositor indian plan conegut per sa granda virtuositat amb son instrument de predileccion la citara. Es lo paire de la cantaira americana Norah Jones.
Foguèt discipol d'Allauddin Khan (lo fondaire del Maihar gharana de musica classica indiana). Pandit Ravi Shankar es incontestablament l'instrumentalista indian mai conegut e se lo coneis fòrça per encausa de son òbra pionièra de menar lo poder e l'atraccion de la tradicion musicala classica indiana, coma en general la musica indiana e sos interprèts d'un biais general, dins lo mond occidental. Faguèt aquò a partir de sa collaboracion amb los Beatles (particulalarament George Harrison) e tanben gràcias a son carisma personal. Sa carrièra musicala s'espandís sus mai de sièis decadas e Shankar es actualament lo detentor del Recòrd Guinness de la carrièra internacionala mai longa.