Region Sud-Èst (Brasil)
From Wikipedia, the free encyclopedia
La Region Sud-èst (en portugués Região Sudeste) es una region del Brasil formada dels estats de Espírito Santo, Minas Gerais, Rio de Janeiro e São Paulo.
Estats de la Region | São Paulo, Rio de Janeiro, Minas Gerais, Espírito Santo |
Vilas principalas | São Paulo, Rio de Janeiro, Belo Horizonte Guarulhos, Campinas |
Superfícia totala | 924.511,3 km² |
populacion | 77.656.762 abitants (2010) |
Densitat | 84,21 ab/km² |
Amb una superfícia de 924.511 km² (10,85% del territòri brasilian), es la region mai populosa del Brasil: lo 2010 aviá 77.656.762 abitants.[1] Lo Sud-èst es tanben la region mai rica del país, e la region mai industrializada de l'America Latina, responsabla de gaireben 60% del PIB brasilièr.
Aquela region es lo territòri que servís de transicion entre la region Nòrd-èst e la region Sud. Per definir aquela division s'usèron de critèris coma l'afinitat socioculturala e de semblanças naturalas, talas coma lo relèu, lo clima, la vegetacion e lo tipe de sòl. La region Sud-èst es extrèmament urbanizada (90,5%),[2] e acuèlh los tres airals metropolitans pus importants del país, a l'entorn de las vilas de São Paulo, Rio de Janeiro e Belo Horizonte, en mai d'agropar lo màger cens electoral del país.[3]