Subdivision administrativa de Roma
From Wikipedia, the free encyclopedia
La vila de Roma, en Itàlia es devesida en subdivisions administrativas de primièr nivèl. I a 15 municipi (singular: municipio) dins la vila; cada municipio es dirigit per un president e un conselh elegit directament per sos abitants totes los cinc ans. Los municipi forman collectivament la comuna de Roma, qu'es ela meteissa una de las partidas constitutivas de la Ciutat Metropolitana de Roma Capitala.
Roma es tanben devesida en 116 unitats non administrativas, ditas comprensori toponomastici (districtes toponimics), que son organizat en quatre grops:
- 22 rioni situats dins lo centre istoric de la vila, mai que mai al dintre de la muralha aureliana, levat per Prati e Borgo;
- 35 quartieri qu'enròdan lo centre istoric de Roma en defòra de la muralha aureliana;
- 6 suburbi situats dins la banlèga de la ciutat;
- 53 zone dins la campanha de la comuna.