Aquesta pagina balha la lista de las proposicions de supression de paginas e permet de ne discutir.
Qualques recomandacions e critèris per la supression de las paginas:
Los critèris d'admissibilitat dels articles balhan de recomandacions e de règlas pertocant lo contengut de las paginas. Las paginas que lor subjècte es pas pertinent (cap de notorietat), irrecuperable (incomprensible, o en lenga estrangièra), non enciclopedic (publicitat, tract, poèma, discussion) o illegal (apèl a enfrànher la lei, difamacion) son de candidatas potencialas per la supression.
Las paginas correspondent a las casas pus simplas listadas dins la seccion supression immediata, en particular las creacions manifèstament aberrantas (tèsts, vandalismes, badinadas, etc.), se devon siá blanquir en indicant dins lo resumit la rason del blanquiment, siá listar sus Wikipèdia:Demanda de supression immediata. Se devon pas ajustar sus aquesta pagina. Un administrator s'ocuparà de las escafar.
Las paginas que lor subjècte es pertinent mas mal tractat se pòdon corregir immediatament o ajustar a la lista dels articles non neutres, mas pas aicí.
Las proposicions de supression d'imatge van dins la pagina dels imatges de suprimir, pas aicí.
Las proposicions de fusion de doblons van dins la lista de las paginas de fusionar, pas aicí.
Las errors de nom manifèstas son de renomenar, lo redirect creat farà l'objècte d'un debat pas que per las errors correntas. Per una error non correnta, lo redirect se deu blanquir, e se pòt prepausar a la supression.
Se pensatz que s'es suprimit una pagina sens consensus sufisent, o podètz senhalar dins las paginas de restablir.
Tampar
Cossí prepausar una pagina a la supression?
Ajustar en cap de pagina de suprimir la linha {{supression}}. Un bendèl serà atal visible per indicar la proposicion de supression. Deu demorar tant que dura la procedura. Excepcion: lo bendèl deu pas èsser apausat a las paginas de redireccion.
Clicar sul ligam roge dins lo bendèl creat (balhar vòstre vejaire sus aquesta proposicion) per crear la pagina de vòte, puèi salvagardar. Ajustar aprèp las informacions pertocant la supression en seguissent las indicacions dins aquesta pagina de proposicion.
Apondre la sospagina que ven d'èsser creada en bas de la presenta pagina, en creant un ligam vèrs una sospagina, coma aquò: [[/nom de la sospagina]].
La proposicion de mai d'un article a la supression dins una meteissa sospagina es de defugir. Çaquelà, s'aquò es vertadièrament necessari (una desena d'articles e mai), es possible de crear una sospagina amb un títol coma "Vòte per la proposicion de XXX pertocant los articles sus YYY" e d'i recampar los ligams vèrs los articles concernits.
Debanament del vòte e tractament
Los contributors de Wikipèdia vòtan e donan lors avises respectius sus la proposicion de supression en seguissent las recomandacions.
Sols los vòtes clars son pres en compte: suprimir o conservar. Pasmens, es possible d'emetre un avís neutre o nuançat mas se pòt qu'aqueste siá pas pres quand un administrator farà descompte. Los vòtes d'IP e los vòtes efectuats per de comptes enregistrats après lo pausament del bendèl de supression son invalides.
En cors de vòte, se l'article a fait l'objècte d'un remanejament significatiu e de modificacions importantas, es possible d'apausar lo bendèl {{supression de tornar veire}} en naut de la pagina de vòte per invitar los votants a lo reavalorar.
S'un consensus clar se desgatja aprèp una setmana, l'article es, segon lo consensus obtengut, siá conservat siá suprimit per un administrator e la discussion archivada. En cas contrari, la discussion se perseguís pendent una setmana. Puèi, se cap de majoritat sufisenta se desgatja pas en favor de la supression, la pagina en question es conservada e lo bendèl n'es levat.
Se lo consensus es clar e se i a pas d'administrator per suprimir l'article, es possible d'efectuar una demanda de supression immediata.